مەسكەۋ مەرٸ سەرگەي سوبيانين كوروناۆيرۋسپەن بايلانىستى جاڭا شەكتەۋلەر ەنگٸزدٸ.
ول قالادا ۆيرۋستى جۇقتىرعانداردىڭ سانى ەدەۋٸر ٶسكەنٸن جەنە الداعى اپتالاردا جاعدايدىڭ ودان ەرٸ ناشارلاۋى ىقتيمال ەكەنٸن ايتتى, دەپ حابارلايدى تاسس اگەنتتٸگٸ.
جاڭا شەكتەۋلەر 13 قاراشادان 15 قاڭتارعا دەيٸن, ەكٸ اي مەرزٸمگە ەنگٸزٸلەدٸ.
كوللەدجدەر مەن جوعارى وقۋ ورىندارىنىڭ ستۋدەنتتەرٸ قاشىقتىقتان وقىتۋعا كٶشەدٸ. وقۋشىلاردىڭ كٶلٸك كارتالارى ۋاقىتشا بۇعاتتالادى. وقۋشىلار مەن ستۋدەنتتەرگە ٷيدە بولۋعا كەڭەس بەرٸلەدٸ.
مەيرامحانا, كافە, كلۋبتار جەنە باسقا دا ويىن-ساۋىق ورىندارى كليەنتتەرگە 23:00-دەن 06:00-گە دەيٸن قىزمەت ەتپەيدٸ. بۇل رەتتە تاماقتى جەتكٸزۋ تەۋلٸك بويى جۇمىس ٸستەيدٸ. تەاتر, كينوتەاتر جەنە كونتسەرت زالدارىنداعى كٶرەرمەندەردٸڭ ەڭ كٶپ سانى ٷي-جاي سىيىمدىلىعىنىڭ 25%-نان اسپاۋى تيٸس.
كٶرەرمەندەردٸڭ قاتىسۋىمەن مەدەني, ويىن-ساۋىق, جەنە باسقا دا وسىنداي ٸس-شارالارعا, سونىڭ ٸشٸندە كٶرمەلەرگە تىيىم سالىنادى. شەكتەۋلەر «اتقارۋشى بيلٸك ورگاندارىنىڭ شەشٸمٸ بويىنشا جٷرگٸزٸلەتٸن رەسمي ٸس-شارالارعا» قولدانىلمايدى.
بۇقارالىق سپورتتىق ٸس-شارالار, ەگەر ولار قالالىق سپورت دەپارتامەنتٸ جەنە روسپوترەبنادزور باسقارماسىمەن كەلٸسٸلسە, كٶرەرمەندەردٸڭ قاتىسۋىمەن ٶتكٸزٸلۋٸ مٷمكٸن. قىزمەتٸ ازاماتتاردىڭ تٸكەلەي قاتىسۋىمەن بايلانىستى ۇيىمدارعا QR-كودتار جٷيەسٸن ەنگٸزۋ ۇسىنىلادى. ول بۇرىن تەك تٷنگٸ ويىن-ساۋىق ورىندارىنا عانا قاتىستى بولاتىن. بالالار ويىن-ساۋىق ورتالىقتارى, مەيرامحانالارداعى بالالار بٶلمەلەرٸ جەنە ساۋدا ورتالىقتارى جۇمىسىن توقتاتادى, بٸراق بالالارعا ارنالعان دالالىق ويىن-ساۋىق شارالارىنا رۇقسات ەتٸلەدٸ.
