Búgin Almaty mektepterinde jańa oqý jylynyń bastalýyna arnalǵan saltanatty sharalar onlain rejimde ótti. Biyl qalada 27 myńnan astam bala birinshi synypqa bardy, dep habarlaidy QazAqparat.
Qashyqtan oqytý formatyn eskere otyryp, jańa oqý jyly qarsańynda qala ákimshiligi oqýshylar men muǵalimderdi qajetti tehnikamen jáne sapaly internetpen qamtamasyz etti.
Almaty qalasy, Áýezov aýdany bilim bóliminiń bas mamany Gúlnár Sattarova A. Baitursynov atyndaǵy №139 mektep-gimnaziiasynyń kezekshi toptarynyń jumysy týraly aityp berdi.
«№139 mektepte 1 jáne 2-synyp oqýshylary úshin eki kezekshi top uiymdastyryldy. Mektep aýmaǵyna kireberiste meditsina qyzmetkeri balany qarsy alady jáne temperatýrany bailanyssyz teplovizormen ólsheidi. Ata-analar balany mektepke kirgenge deiin jetkizedi. Bala sol jerde maskany aýystyryp, qoldaryn eritindimen óńdep, keiin synyp jetekshisimen dezinfektsiialyq tonnel arqyly ótedi. Eki kabinet daiyndaldy», – dedi Gúlnár Sattarova.
Sondai-aq ol ár synypta 15 balaǵa 15 parta qoiylǵanyn atap ótti.
Óz kezeginde M. Maqataev atyndaǵy № 140 gimnaziianyń direktory Sániia Tileýbai búgin ótken onlain jiyn týraly aitty. 2020-2021 oqý jyly mektepte 2246 oqýshy, iaǵni 75 synyp bar. Oqý jylyna mektep tolyǵymen daiyn.
«Birinshi toqsanda sabaqtar onlain rejiminde, ZOOM baǵdarlamasy arqyly uiymdastyrylady. Sondyqtan kompiýterleri joq 70 oqýshy tehnikalyq quraldarmen qamtamasyz etilgen. Mektep oqýshylary men muǵalimderi internet jelisimen tolyq qamtylǵan», – dedi Sániia Tileýbai.
Sondai-aq, ol gimnaziiada az qamtylǵan otbasylardan shyqqan 117 oqýshy bilim alyp jatqanyn, onyń ishinde tórt bala qamqorlyqta ekenin aitty. Bul balalar da tehnikalyq quraldarmen qamtamasyz etildi.
Sonymen qatar, S.Tileýbai № 140 mektepte kezekshi synyptardyń joq ekenin aitty. Sebebi, bilim mekemesine ata-anadan ótinish túspegen. Balalardyń ata-analary qashyqtan oqytýdy qalaidy. Alaida, mektep qajet bolǵan jaǵdaida, sanitarlyq talaptardy saqtai otyryp, oqýshylardy kezekshi toptarǵa qabyldaýǵa tolyq daiyn.
