بٷگٸن الماتى مەكتەپتەرٸندە جاڭا وقۋ جىلىنىڭ باستالۋىنا ارنالعان سالتاناتتى شارالار ونلاين رەجيمدە ٶتتٸ. بيىل قالادا 27 مىڭنان استام بالا بٸرٸنشٸ سىنىپقا باردى, دەپ حابارلايدى قازاقپارات.
قاشىقتان وقىتۋ فورماتىن ەسكەرە وتىرىپ, جاڭا وقۋ جىلى قارساڭىندا قالا ەكٸمشٸلٸگٸ وقۋشىلار مەن مۇعالٸمدەردٸ قاجەتتٸ تەحنيكامەن جەنە ساپالى ينتەرنەتپەن قامتاماسىز ەتتٸ.
الماتى قالاسى, ەۋەزوۆ اۋدانى بٸلٸم بٶلٸمٸنٸڭ باس مامانى گٷلنەر ساتتاروۆا ا. بايتۇرسىنوۆ اتىنداعى №139 مەكتەپ-گيمنازيياسىنىڭ كەزەكشٸ توپتارىنىڭ جۇمىسى تۋرالى ايتىپ بەردٸ.
«№139 مەكتەپتە 1 جەنە 2-سىنىپ وقۋشىلارى ٷشٸن ەكٸ كەزەكشٸ توپ ۇيىمداستىرىلدى. مەكتەپ اۋماعىنا كٸرەبەرٸستە مەديتسينا قىزمەتكەرٸ بالانى قارسى الادى جەنە تەمپەراتۋرانى بايلانىسسىز تەپلوۆيزورمەن ٶلشەيدٸ. اتا-انالار بالانى مەكتەپكە كٸرگەنگە دەيٸن جەتكٸزەدٸ. بالا سول جەردە ماسكانى اۋىستىرىپ, قولدارىن ەرٸتٸندٸمەن ٶڭدەپ, كەيٸن سىنىپ جەتەكشٸسٸمەن دەزينفەكتسييالىق توننەل ارقىلى ٶتەدٸ. ەكٸ كابينەت دايىندالدى», – دەدٸ گٷلنەر ساتتاروۆا.
سونداي-اق ول ەر سىنىپتا 15 بالاعا 15 پارتا قويىلعانىن اتاپ ٶتتٸ.
ٶز كەزەگٸندە م. ماقاتاەۆ اتىنداعى № 140 گيمنازييانىڭ ديرەكتورى سەنييا تٸلەۋباي بٷگٸن ٶتكەن ونلاين جيىن تۋرالى ايتتى. 2020-2021 وقۋ جىلى مەكتەپتە 2246 وقۋشى, ياعني 75 سىنىپ بار. وقۋ جىلىنا مەكتەپ تولىعىمەن دايىن.
«بٸرٸنشٸ توقساندا ساباقتار ونلاين رەجيمٸندە, ZOOM باعدارلاماسى ارقىلى ۇيىمداستىرىلادى. سوندىقتان كومپيۋتەرلەرٸ جوق 70 وقۋشى تەحنيكالىق قۇرالدارمەن قامتاماسىز ەتٸلگەن. مەكتەپ وقۋشىلارى مەن مۇعالٸمدەرٸ ينتەرنەت جەلٸسٸمەن تولىق قامتىلعان», – دەدٸ سەنييا تٸلەۋباي.
سونداي-اق, ول گيمنازييادا از قامتىلعان وتباسىلاردان شىققان 117 وقۋشى بٸلٸم الىپ جاتقانىن, ونىڭ ٸشٸندە تٶرت بالا قامقورلىقتا ەكەنٸن ايتتى. بۇل بالالار دا تەحنيكالىق قۇرالدارمەن قامتاماسىز ەتٸلدٸ.
سونىمەن قاتار, س.تٸلەۋباي № 140 مەكتەپتە كەزەكشٸ سىنىپتاردىڭ جوق ەكەنٸن ايتتى. سەبەبٸ, بٸلٸم مەكەمەسٸنە اتا-انادان ٶتٸنٸش تٷسپەگەن. بالالاردىڭ اتا-انالارى قاشىقتان وقىتۋدى قالايدى. الايدا, مەكتەپ قاجەت بولعان جاعدايدا, سانيتارلىق تالاپتاردى ساقتاي وتىرىپ, وقۋشىلاردى كەزەكشٸ توپتارعا قابىلداۋعا تولىق دايىن.
