Ulttyq qaýipsizdik komitetiniń burynǵy tóraǵasy Kárim Másimovtiń qamaý merzimi 2022 jyldyń jeltoqsanyna deiin uzardy. Bul týraly UQK baspasóz qyzmeti málimdedi.
Resmi málimet boiynsha, tergeý soty Másimov pen Sadyqulovty qamaýǵa alý merzimin 2022 jyldyń 6 jeltoqsanyna deiin uzartqan.
"D.E. Erǵojindi qamaýda ustaý merzimi 13.12.2022 jylǵa deiin, M.S. Osipova - 22.12.2022 jylǵa deiin uzartyldy. D.M. Akipov pen N.K. Bekmuratqa eshqaida ketpeý týraly jazbasha mindetteme túrindegi bultartpaý sharasy qoldanyldy", - dep habarlady Ulttyq qaýipsizdik komitetiniń baspasóz qyzmeti.
Eske salaiyq, Ulttyq qaýipsizdik komitetiniń burynǵy tóraǵasy Kárim Másimovke qatysty osy jyldyń 6 qańtarynda UQK Qazaqstan Respýblikasy Qylmystyq kodeksiniń 175-baby 1-bóligimen memleketke satqyndyq deregi boiynsha sotqa deiingi tergeý bastaldy. Biyl naýryzda bas prokýror Berik Asylov Ulttyq qaýipsizdik komitetiniń burynǵy tóraǵasy men onyń úsh orynbasaryna, eki bólimshe bastyǵyna qatysty birneshe is qozǵalyp, tergeý júrip jatqanyn aitty.
