ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى كەرٸم مەسٸموۆتٸڭ قاماۋ مەرزٸمٸ 2022 جىلدىڭ جەلتوقسانىنا دەيٸن ۇزاردى. بۇل تۋرالى ۇقك باسپاسٶز قىزمەتٸ مەلٸمدەدٸ.
رەسمي مەلٸمەت بويىنشا, تەرگەۋ سوتى مەسٸموۆ پەن سادىقۇلوۆتى قاماۋعا الۋ مەرزٸمٸن 2022 جىلدىڭ 6 جەلتوقسانىنا دەيٸن ۇزارتقان.
"د.ە. ەرعوجيندٸ قاماۋدا ۇستاۋ مەرزٸمٸ 13.12.2022 جىلعا دەيٸن, م.س. وسيپوۆا - 22.12.2022 جىلعا دەيٸن ۇزارتىلدى. د.م. اكيپوۆ پەن ن.ك. بەكمۇراتقا ەشقايدا كەتپەۋ تۋرالى جازباشا مٸندەتتەمە تٷرٸندەگٸ بۇلتارتپاۋ شاراسى قولدانىلدى", - دەپ حابارلادى ۇلتتىق قاۋٸپسٸزدٸك كوميتەتٸنٸڭ باسپاسٶز قىزمەتٸ.
ەسكە سالايىق, ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى كەرٸم مەسٸموۆكە قاتىستى وسى جىلدىڭ 6 قاڭتارىندا ۇقك قازاقستان رەسپۋبليكاسى قىلمىستىق كودەكسٸنٸڭ 175-بابى 1-بٶلٸگٸمەن مەملەكەتكە ساتقىندىق دەرەگٸ بويىنشا سوتقا دەيٸنگٸ تەرگەۋ باستالدى. بيىل ناۋرىزدا باس پروكۋرور بەرٸك اسىلوۆ ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى مەن ونىڭ ٷش ورىنباسارىنا, ەكٸ بٶلٸمشە باستىعىنا قاتىستى بٸرنەشە ٸس قوزعالىپ, تەرگەۋ جٷرٸپ جاتقانىن ايتتى.
