Ótken jyldyń qarasha aiynda ǵimarat qasbetiniń opyrylyp qulaýy saldarynan qaza tapqan feldsher Uldana Myrzýannyń jubaiy Ádilet Zeinel alǵash ret sońǵy ailarda bolǵan oqiǵalar týraly keń kólemdi suhbat berdi, dep habarlaidy ult.kz.
Onyń aitýynsha, qazirgi jubaiymen biylǵy sáýir aiynda tanysqan.
Sondai-aq Ádilet Zeinel áleýmettik jelide taraǵan «qalyńdyǵynyń júkti bolýyna bailanysty úilený toiyn birinshi jubaiynyń qaitys bolǵanyna bir jyl tolmai turyp ótkizdi» degen qaýesetke de pikir bildirdi. Alaida ol bul aqparatty naqty rastaǵan da, joqqa shyǵarǵan da joq.
«Barlyǵy – Allanyń qalaýymen», – dedi ol.
Uldana Qaldarhanqyzy Myrzýan – Astana qalalyq jedel meditsinalyq járdem stantsiiasynda qyzmet etken jas feldsher. Ol 2025 jyldyń 8 qarashasynda elordadaǵy Táýelsizdik dańǵyly boiyndaǵy turǵyn úi kesheninde bolǵan qaiǵyly oqiǵa kezinde qyzmettik mindetin atqarý barysynda aýyr jaraqat aldy.
Oqiǵa turǵyn úidiń syrtqy qaptamasy qulaǵannan keiin zardap shekkenderge kómek kórsetý kezinde boldy. Kýágerlerdiń aitýynsha, Uldana adamdardy qutqarýǵa qatysyp jatqan sátte ǵimarattan konditsioner blogy qulap, onyń basyna tigen. Aýyr jaraqat alǵan feldsher aýrýhanaǵa jetkizilip, dárigerler on kún boiy onyń ómiri úshin kúresti. Alaida 2025 jylǵy 18 qarashada 23 jastaǵy Uldana Myrzýan kóz jumdy.
Marqum qyzmetine adal, janqiiar maman retinde áriptesteri men jaqyndarynyń qurmetine ie boldy. Onyń erligi memleket tarapynan joǵary baǵalanyp, Prezident Qasym-Jomart Toqaevtyń Jarlyǵymen Uldana Myrzýan qaitys bolǵannan keiin «Erligi úshin» medalimen marapattaldy.
Keiin Astanada Uldananyń esimin ulyqtaý maqsatynda jedel járdem stantsiiasynda memorialdyq taqta ashylyp, ózi bilim alǵan meditsinalyq kolledjdiń aýditoriialarynyń birine onyń esimi berildi. Bul bastama jas mamannyń erligi men kásibine adaldyǵyn keiingi urpaqqa úlgi etý maqsatynda qolǵa alyndy.
