ٶتكەن جىلدىڭ قاراشا ايىندا عيمارات قاسبەتٸنٸڭ وپىرىلىپ قۇلاۋى سالدارىنان قازا تاپقان فەلدشەر ۇلدانا مىرزۋاننىڭ جۇبايى ەدٸلەت زەينەل العاش رەت سوڭعى ايلاردا بولعان وقيعالار تۋرالى كەڭ كٶلەمدٸ سۇحبات بەردٸ, دەپ حابارلايدى ult.kz.
ونىڭ ايتۋىنشا, قازٸرگٸ جۇبايىمەن بيىلعى سەۋٸر ايىندا تانىسقان.
سونداي-اق ەدٸلەت زەينەل ەلەۋمەتتٸك جەلٸدە تاراعان «قالىڭدىعىنىڭ جٷكتٸ بولۋىنا بايلانىستى ٷيلەنۋ تويىن بٸرٸنشٸ جۇبايىنىڭ قايتىس بولعانىنا بٸر جىل تولماي تۇرىپ ٶتكٸزدٸ» دەگەن قاۋەسەتكە دە پٸكٸر بٸلدٸردٸ. الايدا ول بۇل اقپاراتتى ناقتى راستاعان دا, جوققا شىعارعان دا جوق.
«بارلىعى – اللانىڭ قالاۋىمەن», – دەدٸ ول.
ۇلدانا قالدارحانقىزى مىرزۋان – استانا قالالىق جەدەل مەديتسينالىق جەردەم ستانتسيياسىندا قىزمەت ەتكەن جاس فەلدشەر. ول 2025 جىلدىڭ 8 قاراشاسىندا ەلورداداعى تەۋەلسٸزدٸك داڭعىلى بويىنداعى تۇرعىن ٷي كەشەنٸندە بولعان قايعىلى وقيعا كەزٸندە قىزمەتتٸك مٸندەتٸن اتقارۋ بارىسىندا اۋىر جاراقات الدى.
وقيعا تۇرعىن ٷيدٸڭ سىرتقى قاپتاماسى قۇلاعاننان كەيٸن زارداپ شەككەندەرگە كٶمەك كٶرسەتۋ كەزٸندە بولدى. كۋەگەرلەردٸڭ ايتۋىنشا, ۇلدانا ادامداردى قۇتقارۋعا قاتىسىپ جاتقان سەتتە عيماراتتان كونديتسيونەر بلوگى قۇلاپ, ونىڭ باسىنا تيگەن. اۋىر جاراقات العان فەلدشەر اۋرۋحاناعا جەتكٸزٸلٸپ, دەرٸگەرلەر ون كٷن بويى ونىڭ ٶمٸرٸ ٷشٸن كٷرەستٸ. الايدا 2025 جىلعى 18 قاراشادا 23 جاستاعى ۇلدانا مىرزۋان كٶز جۇمدى.
مارقۇم قىزمەتٸنە ادال, جانقييار مامان رەتٸندە ەرٸپتەستەرٸ مەن جاقىندارىنىڭ قۇرمەتٸنە يە بولدى. ونىڭ ەرلٸگٸ مەملەكەت تاراپىنان جوعارى باعالانىپ, پرەزيدەنت قاسىم-جومارت توقاەۆتىڭ جارلىعىمەن ۇلدانا مىرزۋان قايتىس بولعاننان كەيٸن «ەرلٸگٸ ٷشٸن» مەدالٸمەن ماراپاتتالدى.
كەيٸن استانادا ۇلدانانىڭ ەسٸمٸن ۇلىقتاۋ ماقساتىندا جەدەل جەردەم ستانتسيياسىندا مەموريالدىق تاقتا اشىلىپ, ٶزٸ بٸلٸم العان مەديتسينالىق كوللەدجدٸڭ اۋديتورييالارىنىڭ بٸرٸنە ونىڭ ەسٸمٸ بەرٸلدٸ. بۇل باستاما جاس ماماننىڭ ەرلٸگٸ مەن كەسٸبٸنە ادالدىعىن كەيٸنگٸ ۇرپاققا ٷلگٸ ەتۋ ماقساتىندا قولعا الىندى.
