Astanada qyzmet barysynda qaza tapqan feldsher Uldana Myrzýannyń kúieýi Ádilet Zeinel men onyń anasy marqumnyń jyldyq asy qalai ótetinin aitty, dep habarlaidy ult.kz.
Jýrnalist Ádilet Zeinelden Uldana Myrzýannyń jyldyq asy qalai ótetinin suraǵan.
«Qarashanyń 18-i kúni týra bir jyl tolady. Astyń qalai ótetinine kelsek, meniń qazirgi jubaiym Juldyz áýel bastan kimge turmysqa shyǵyp jatqanyn bildi. Qazirgi jaǵdaidy túsinip otyr jáne meni tolyqtai qoldap otyr. Osy ýaqytqa deiin aitqanymyzdai, asty eń jaqyn týystarymyzben ótkizemiz. Quran oqytyp, duǵa jasaimyz», – dedi Ádilet Zeinel.
Marqum feldsherdiń burynǵy enesi de Uldanany eske alyp, óz oiyn bildirdi.
«Biz barlyǵymyz ótkizemiz. Alaida Uldananyń týystary qatyspaityn shyǵar. Ol meniń esimnen esh shyqqan emes. Toǵyz ai ótse de, oiymnan ketpeidi. Bul – meniń ǵana emes, búkil eldiń úlken qaiǵysy.
Qazir Ádiletti áleýmettik jelide akter qylyp kórsetip, ony jek kóretinderdiń qatary kóbeidi. Biraq Uldanaǵa medaldi Ádilettiń arqasynda bergenin aitqym keledi. Sebebi alǵashqy sátte oqiǵaǵa Uldananyń ózi kináli dep kórsetildi. Iaǵni TJ qyzmetkerlerin kútpegeni úshin.
Bul Ádiletti qatty ashýlandyrdy. Keiin ol shyndyqty dáleldeý úshin júgirip júrip, osy jaǵdaiǵa jetkizdi. Sondyqtan da ol jábirlenýshi taraptan bas tartpai otyr. Uldananyń naǵyz erligin dáleldeý úshin ol bul istiń sońyna deiin barady», – dedi ol.
