Jeli qoldanýshysy Alýa Esdáýletova marqum ákesiniń dostary oǵan baspana satyp alýǵa qajetti bastapqy jarnaǵa aqsha jinap bergenin aityp, áserli jazba jariialady, dep habarlaidy ult.kz.
Alýanyń aitýynsha, ákesi kózi tirisinde qyzynyń jaldamaly páter jaǵalap júrmei, óz úii bolǵanyn qalaǵan.
«Tipti kókten de marqum ákem maǵan qamqorlyǵyn jalǵastyryp jatqandai…
Ákem únemi: “Men úshin Alýashkamnyń qai jerde turatyny mańyzdy. Jaldamaly páterlerdi jaǵalap júrmese eken” dep aitatyn.
Búgin onyń dostary men úshin baspana alýǵa qajetti bastapqy jarnaǵa aqsha jinap berdi. Bul men úshin qanshalyqty qymbat ekenin sózben aityp jetkizý múmkin emes.
Ákemniń ornyn eshkim basa almaidy. Biraq ol kisiden keiin janymnan osyndai jaqsy adamdardyń, dostary men jaqyndarynyń tabylǵany – men úshin úlken demeý ári zor jubanysh.
Ákeme degen súiispenshilikterińiz ben qurmetterińiz úshin, al endi maǵan kórsetip otyrǵan qamqorlyqtaryńyz jáne onyń armanyn júzege asyrýǵa kómektesip jatqandaryńyz úshin sizderge raqmet.
Áke, men sizdiń dostaryńyzben maqtanatynyńyzdy bilemin», – dep jazdy Alýa.
