Mark Tsýkerbergtiń Feisbýk tóraǵalyǵynan ketýin talap etýge qatysty daýys berý kompaniianyń jyl saiynǵy jinalysynda ótýi múmkin, dep jazady VVS basylymy.
Mark Tsýkerberg Facebook atqarýshy direktory jáne direktorlar keńesiniń tóraǵasy qyzmetin qatar atqaryp keledi. Daýys berýshiler tóraǵalyqtan ketý Mark Tsýkerbergke kompaniiany basqarýǵa kóbirek kóńil bólýge kómektesetinin aitty. Degenmen qazirdiń ózinde direktorlar keńesiniń 60%-y Mark Tsýkerbergti qoldap otyr.
Feisbýkte 7 mln dollar aktsiiasy bar Trillium Asset Management kompaniiasynyń vitse prezidenti Djonas Kronnyń aitýynsha, Mark Tsýkerbergtiń álemdegi eń iri kompaniiadaǵy eki laýazymdy qyzmetti qatar alyp otyrýy durys emes.
«Bul ońai emes ekenin túsinemin. Degenmen, oǵan da, aktsionerlerge de paida ákeletin qadam osy bolmaq», - deidi ol.
Sonymen qatar mamyr aiynyń basynda Facebook kompaniiasynyń qaýipsizdik qyzmet basshysy bolǵan Aleks Stamos ta Tsýkerbergtiń atqarýshy direktor qyzmetinen ketýin talap etken bolatyn. Kanadada ótken konferentsiiada ol Tsýkerbertiń qolyna tym kóp bilik berilgenin aitqan edi.
