مارك تسۋكەربەرگتٸڭ فەيسبۋك تٶراعالىعىنان كەتۋٸن تالاپ ەتۋگە قاتىستى داۋىس بەرۋ كومپانييانىڭ جىل سايىنعى جينالىسىندا ٶتۋٸ مٷمكٸن, دەپ جازادى ۆۆس باسىلىمى.
مارك تسۋكەربەرگ Facebook اتقارۋشى ديرەكتورى جەنە ديرەكتورلار كەڭەسٸنٸڭ تٶراعاسى قىزمەتٸن قاتار اتقارىپ كەلەدٸ. داۋىس بەرۋشٸلەر تٶراعالىقتان كەتۋ مارك تسۋكەربەرگكە كومپانييانى باسقارۋعا كٶبٸرەك كٶڭٸل بٶلۋگە كٶمەكتەسەتٸنٸن ايتتى. دەگەنمەن قازٸردٸڭ ٶزٸندە ديرەكتورلار كەڭەسٸنٸڭ 60%-ى مارك تسۋكەربەرگتٸ قولداپ وتىر.
فەيسبۋكتە 7 ملن دوللار اكتسيياسى بار Trillium Asset Management كومپانيياسىنىڭ ۆيتسە پرەزيدەنتٸ دجوناس كروننىڭ ايتۋىنشا, مارك تسۋكەربەرگتٸڭ ەلەمدەگٸ ەڭ ٸرٸ كومپانيياداعى ەكٸ لاۋازىمدى قىزمەتتٸ قاتار الىپ وتىرۋى دۇرىس ەمەس.
«بۇل وڭاي ەمەس ەكەنٸن تٷسٸنەمٸن. دەگەنمەن, وعان دا, اكتسيونەرلەرگە دە پايدا ەكەلەتٸن قادام وسى بولماق», - دەيدٸ ول.
سونىمەن قاتار مامىر ايىنىڭ باسىندا Facebook كومپانيياسىنىڭ قاۋٸپسٸزدٸك قىزمەت باسشىسى بولعان الەكس ستاموس تا تسۋكەربەرگتٸڭ اتقارۋشى ديرەكتور قىزمەتٸنەن كەتۋٸن تالاپ ەتكەن بولاتىن. كانادادا ٶتكەن كونفەرەنتسييادا ول تسۋكەربەرتٸڭ قولىنا تىم كٶپ بيلٸك بەرٸلگەنٸن ايتقان ەدٸ.
