Jelide qazaqstandyq tanymal maniak ári kannibal Nikolai Jumaǵalievke uqsaityn er adamnyń jabyq psihiatriialyq aýrýhanadaǵy jasyryn videosy taraldy, dep habarlaidy ult.kz.
Almaty oblysy Aqtas kentindegi emhanada túsirilgen bolýy múmkin kadrlarda ol ózin kameraǵa túsirip jatqanyn bilmeidi.
Áńgime barysynda Jumaǵaliev jýrnalisterge suhbat berýden qorqatynyn, sebebi basshylyq «tilin bailaityn» arnaiy ekpe salyp tastaýy múmkin ekenin aitady. Ol mekeme ishindegi jemqorlyq pen adam óltirý faktilerin áshkerelegen. Kannibaldyń sózinshe, keibir qyzmetkerlerdiń «qoly qanǵa malynǵan» jáne olar naýqastardy ekpe arqyly ádeii óltiredi.
Budan bólek, videoda aýrýhanadaǵy qunarsyz tamaq (naýqastarǵa tiesili etti qyzmetkerler úiine tasityny), 1972 jyldan beri aýystyrylmaǵan jihaz, emdelýshilerdi tek qarjylandyrýdy úzbes úshin sebepsiz ustaý, tipti Qazaqstandaǵy zańsyz altyn óndirý men Donald Tramptyń reformalaryna deiin talqylanady.
Bul málimdemeler boiynsha densaýlyq saqtaý ministrligine resmi saýal joldandy.
Eske salaiyq, 10-nan astam áieldi óltirip, qanyn iship, etin jegen Jumaǵalievke kezinde shizofreniia diagnozy qoiylǵan. Ol toqsanynshy jyldardan beri Aqtastaǵy jabyq jyndyhanada jatyr.
