Almatydaǵy mikrobiologiia jáne virýsologiia ǵylymi ortalyǵy zerthanasy Mańǵystaýda qyrylǵan itbalyqtarǵa jasaǵan synamanyń alǵashqy nátijesin shyǵardy, dep habarlaidy Ult.kz.
Azattyq málimetinshe, ǵylymi ortalyq júrgizgen molekýliarlyq-genetikalyq taldaý nátijesinde itbalyqtardyń miy men ókpe tinderinen jańa virýstyq juqpaly aýrý tabylǵan. Bul týraly zerthana meńgerýshisi Aidyn Qydyrmanov aitty.
"Immýndyq jetispeýshilikten neirovirýstyq infektsiia anyqtaldy. Bul – neiroinfektsiia týǵyzatyn virýstyń jańa túri. Ǵylymda áli tolyq sipattalmaǵan, anyqtalmaǵan virýs. Teńiz sút qorektilnrge tán virýstyq infektsiia" - dep tujyrymdaidy Qydyrmanov.
Ortalyq itbalyqtardyń neden ólgenin anyqtaý úshin óz bastamasymen óz qarjysyna Mańǵystaýǵa kelip, ólekse synamalaryn qarashanyń basynda alyp ketken. Qydyrmanov zertteý nátijeleri kezinde ólekselerdiń kóbi analyq ári býaz bolǵanyn aitady. Ol itbalyqtar ýlanǵan degen nusqany joqqa shyǵardy. Onyń sózinshe, itbalyqtardyń ólgenine keminde úsh aptadai bolyp, óleksesi buzylyp ketkendikten kóp aǵzasynyń tinderi zertteýge jaramsyz bolǵan.
Al itbalyqtar ólekselerinen synama alǵan taǵy bir gidrobiologiia jáne ekologiia institýtynyń qyzmetkeri Jazira Sydyqova zertteý qorytyndysy aqpan aiynyń basynda shyǵady deidi.
2024 jyly kúzde Mańǵystaý oblysynda itbalyqtar jappai qyryla bastaǵan. 16 qazan - 1 jeltoqsan aralyǵynda Kaspii teńizi jaǵasynda ólgen 1968 itbalyq, 21 jeltoqsanda 13 itbalyqtyń óleksesi tabylǵan. Qazir ólgen itbalyqtar eki myńǵa jýyqtady. Itbalyqtar ýlanǵan degen boljam aitylǵan edi.
Monitoring Mańǵystaý oblysynda batystan soqqan jelge qaramastan júrip jatyr. Mańǵystaý oblysy balyq inspektsiiasy basshysynyń mindetin atqarýshy Qonarbai Bazarbaevtyń sózinshe, óli itbalyqtar Aqtaý qalasynan, Túpqaraǵan jáne Qaraqiia aýdandarynan tabylǵan
"Biz jaǵada ólip jatqan itbalyqtardy avtokólikpen júrip te, tikushaq arqyly da sanadyq. Bul naqty sany. Ólgen itbalyq sany budan da kóp bolýy múmkin degen pikir qate. Biz bárin tirkep otyrmyz", - dedi oblystyq balyq inspektsiiasy basqarmasy basshysynyń mindetin atqarýshy.
Bazarbaev Almatydaǵy ortalyq júrgizgen zertteý nátijesi jaily bilmeitinin, qorytyndysy resmi habarlanbaǵanyn aitady.
