الماتىداعى ميكروبيولوگييا جەنە ۆيرۋسولوگييا عىلىمي ورتالىعى زەرتحاناسى ماڭعىستاۋدا قىرىلعان يتبالىقتارعا جاساعان سىنامانىڭ العاشقى نەتيجەسٸن شىعاردى, دەپ حابارلايدى Ult.kz.
ازاتتىق مەلٸمەتٸنشە, عىلىمي ورتالىق جٷرگٸزگەن مولەكۋليارلىق-گەنەتيكالىق تالداۋ نەتيجەسٸندە يتبالىقتاردىڭ ميى مەن ٶكپە تٸندەرٸنەن جاڭا ۆيرۋستىق جۇقپالى اۋرۋ تابىلعان. بۇل تۋرالى زەرتحانا مەڭگەرۋشٸسٸ ايدىن قىدىرمانوۆ ايتتى.
"يممۋندىق جەتٸسپەۋشٸلٸكتەن نەيروۆيرۋستىق ينفەكتسييا انىقتالدى. بۇل – نەيروينفەكتسييا تۋعىزاتىن ۆيرۋستىڭ جاڭا تٷرٸ. عىلىمدا ەلٸ تولىق سيپاتتالماعان, انىقتالماعان ۆيرۋس. تەڭٸز سٷت قورەكتٸلنرگە تەن ۆيرۋستىق ينفەكتسييا" - دەپ تۇجىرىمدايدى قىدىرمانوۆ.
ورتالىق يتبالىقتاردىڭ نەدەن ٶلگەنٸن انىقتاۋ ٷشٸن ٶز باستاماسىمەن ٶز قارجىسىنا ماڭعىستاۋعا كەلٸپ, ٶلەكسە سىنامالارىن قاراشانىڭ باسىندا الىپ كەتكەن. قىدىرمانوۆ زەرتتەۋ نەتيجەلەرٸ كەزٸندە ٶلەكسەلەردٸڭ كٶبٸ انالىق ەرٸ بۋاز بولعانىن ايتادى. ول يتبالىقتار ۋلانعان دەگەن نۇسقانى جوققا شىعاردى. ونىڭ سٶزٸنشە, يتبالىقتاردىڭ ٶلگەنٸنە كەمٸندە ٷش اپتاداي بولىپ, ٶلەكسەسٸ بۇزىلىپ كەتكەندٸكتەن كٶپ اعزاسىنىڭ تٸندەرٸ زەرتتەۋگە جارامسىز بولعان.
ال يتبالىقتار ٶلەكسەلەرٸنەن سىناما العان تاعى بٸر گيدروبيولوگييا جەنە ەكولوگييا ينستيتۋتىنىڭ قىزمەتكەرٸ جازيرا سىدىقوۆا زەرتتەۋ قورىتىندىسى اقپان ايىنىڭ باسىندا شىعادى دەيدٸ.
2024 جىلى كٷزدە ماڭعىستاۋ وبلىسىندا يتبالىقتار جاپپاي قىرىلا باستاعان. 16 قازان - 1 جەلتوقسان ارالىعىندا كاسپيي تەڭٸزٸ جاعاسىندا ٶلگەن 1968 يتبالىق, 21 جەلتوقساندا 13 يتبالىقتىڭ ٶلەكسەسٸ تابىلعان. قازٸر ٶلگەن يتبالىقتار ەكٸ مىڭعا جۋىقتادى. يتبالىقتار ۋلانعان دەگەن بولجام ايتىلعان ەدٸ.
مونيتورينگ ماڭعىستاۋ وبلىسىندا باتىستان سوققان جەلگە قاراماستان جٷرٸپ جاتىر. ماڭعىستاۋ وبلىسى بالىق ينسپەكتسيياسى باسشىسىنىڭ مٸندەتٸن اتقارۋشى قونارباي بازارباەۆتىڭ سٶزٸنشە, ٶلٸ يتبالىقتار اقتاۋ قالاسىنان, تٷپقاراعان جەنە قاراقييا اۋداندارىنان تابىلعان
"بٸز جاعادا ٶلٸپ جاتقان يتبالىقتاردى اۆتوكٶلٸكپەن جٷرٸپ تە, تٸكۇشاق ارقىلى دا سانادىق. بۇل ناقتى سانى. ٶلگەن يتبالىق سانى بۇدان دا كٶپ بولۋى مٷمكٸن دەگەن پٸكٸر قاتە. بٸز بەرٸن تٸركەپ وتىرمىز", - دەدٸ وبلىستىق بالىق ينسپەكتسيياسى باسقارماسى باسشىسىنىڭ مٸندەتٸن اتقارۋشى.
بازارباەۆ الماتىداعى ورتالىق جٷرگٸزگەن زەرتتەۋ نەتيجەسٸ جايلى بٸلمەيتٸنٸن, قورىتىندىسى رەسمي حابارلانباعانىن ايتادى.
