Mańǵystaý oblysynda vaktsinatsiiany júzege asyratyn 10 egý bólmesi daiyn, dep habarlaidy "Ult aqparat" óńirdiń qoǵamdyq kommýnikatsiia ortalyǵyna silteme jasap.
Onyń ishinde 2 – Aqtaý qalasynda, 3 – Jańaózende, 1 – Qaraqiia aýdanynda, 1 – Túpqaraǵan aýdanynda, 1 – Beineý aýdanynda, 1 – Mańǵystaý aýdanynda jáne taǵy bireýi Munaily aýdanynda ornalasqan.
Mańǵystaý oblysy densaýlyq saqtaý basqarmasynyń basshysy Jamal Jamanbaevanyń aitýynsha, óńirlik densaýlyq saqtaý basqarmasy birqatar daiyndyq jumysyn júrgizilýde.
Atap aitsaq, vaktsinatsiia marshrýty jasaqtaldy. Vaktsinany saqtaityn arnaiy muzdatqyshtar, termokonteinerler men hladoelementter daiyndaldy. Budan bólek qosymsha muzdatqyshtar satyp alý josparda bar. Emhanalarda egý kabinetteri daiyn. Barlyq meditsina qyzmetkeri oqýdan ótip jatyr. Egýge belgilengen adamdar tizimi belgilendi.
Jalpy Densaýlyq saqtaý ministrliginiń jospary boiynsha Qazaqstanda jyldyń aiaǵyna deiin 6 millionǵa jýyq adam koronavirýs infektsiiasyna qarsy vaktsina alý qajet. Egilgenderge arnaiy elektrondy pasport toltyrylady. Ázirge «Spýtnik V» resei vaktsinasy qoldanylady. Al ári qarai «Kaz Kovid» elimizdiń vaktsinasy alynady. «Kaz Kovid» 2 tekseris fazasynan ótip, onyń adam densaýlyǵyna qaýipsiz ekendigi dáleldendi. Endi klinikalyq tekseristiń 3-kezeńi shamamen 2021 jyldyń maýsym aiynda aiaqtalady.
«Aita keteiik, vaktsinatsiia – barlyq infektsiialyq aýrýlardyń aldyn-alatyn birden-bir tásil. Vaktsinatsiia nátijesinde barlyq aýrýshańdyq pen ólim-jetim azaiady. Óitkeni, adam balasy dúniege kelgeli tek koronavirýsqa qarsy emes basqa da vaktsina ala bastaidy», - dedi Jamal Jamanbaeva.
Spikerdiń aitýynsha, qazirgi tańda epidemiologiialyq ahýal nasharlap kele jatyr. Mańǵystaý oblysy jasyl aimaqta bolsa da, koronavirýs indetin juqtyrǵandardyń sany kúnnen-kúnge ósýde. Máselen, infektsiialyq statsionarlarda 112 adam koronavirýstyq pnevmoniiamen em alyp jatsa, 41 naýqastyń koronavirýs infektsiiasyna tapsyrylǵan test synamasy oń nátije kórsetti. 112 naýqastyń ishinde 20 bala bar, onyń ekeýiniń test qorytyndysy oń. Sondai-aq, naýqastardyń arasynda 7 júkti áiel bar. Onyń 5 koronavirýs infektsiiasyna shaldyqqan. Jalpy emhanalarda 135 adam simptomsyz jáne jeńil simptomdarmen tirkelip, protokol boiynsha em qabyldap júr.
«Ǵalymdardyń boljamy boiynsha, qazir koronavirýstyq infektsiiasynyń 2-tolqyny bastaldy. Onyń eń joǵarǵy satysy aqpan-naýryz ailaryna sáikes kelip otyr. Sol sebepti saqtyq sharalaryn qatań ustanyp, ózimizge de, jaqyndarymyzǵa da qamqor bolaiyq», - dedi Jamal Jamanbaeva.
