ماڭعىستاۋ وبلىسىندا ۆاكتسيناتسييانى جٷزەگە اسىراتىن 10 ەگۋ بٶلمەسٸ دايىن, دەپ حابارلايدى "ۇلت اقپارات" ٶڭٸردٸڭ قوعامدىق كوممۋنيكاتسييا ورتالىعىنا سٸلتەمە جاساپ.
ونىڭ ٸشٸندە 2 – اقتاۋ قالاسىندا, 3 – جاڭاٶزەندە, 1 – قاراقييا اۋدانىندا, 1 – تٷپقاراعان اۋدانىندا, 1 – بەينەۋ اۋدانىندا, 1 – ماڭعىستاۋ اۋدانىندا جەنە تاعى بٸرەۋٸ مۇنايلى اۋدانىندا ورنالاسقان.
ماڭعىستاۋ وبلىسى دەنساۋلىق ساقتاۋ باسقارماسىنىڭ باسشىسى جامال جامانباەۆانىڭ ايتۋىنشا, ٶڭٸرلٸك دەنساۋلىق ساقتاۋ باسقارماسى بٸرقاتار دايىندىق جۇمىسىن جٷرگٸزٸلۋدە.
اتاپ ايتساق, ۆاكتسيناتسييا مارشرۋتى جاساقتالدى. ۆاكتسينانى ساقتايتىن ارنايى مۇزداتقىشتار, تەرموكونتەينەرلەر مەن حلادوەلەمەنتتەر دايىندالدى. بۇدان بٶلەك قوسىمشا مۇزداتقىشتار ساتىپ الۋ جوسپاردا بار. ەمحانالاردا ەگۋ كابينەتتەرٸ دايىن. بارلىق مەديتسينا قىزمەتكەرٸ وقۋدان ٶتٸپ جاتىر. ەگۋگە بەلگٸلەنگەن ادامدار تٸزٸمٸ بەلگٸلەندٸ.
جالپى دەنساۋلىق ساقتاۋ مينيسترلٸگٸنٸڭ جوسپارى بويىنشا قازاقستاندا جىلدىڭ اياعىنا دەيٸن 6 ميلليونعا جۋىق ادام كوروناۆيرۋس ينفەكتسيياسىنا قارسى ۆاكتسينا الۋ قاجەت. ەگٸلگەندەرگە ارنايى ەلەكتروندى پاسپورت تولتىرىلادى. ەزٸرگە «سپۋتنيك V» رەسەي ۆاكتسيناسى قولدانىلادى. ال ەرٸ قاراي «كاز كوۆيد» ەلٸمٸزدٸڭ ۆاكتسيناسى الىنادى. «كاز كوۆيد» 2 تەكسەرٸس فازاسىنان ٶتٸپ, ونىڭ ادام دەنساۋلىعىنا قاۋٸپسٸز ەكەندٸگٸ دەلەلدەندٸ. ەندٸ كلينيكالىق تەكسەرٸستٸڭ 3-كەزەڭٸ شامامەن 2021 جىلدىڭ ماۋسىم ايىندا اياقتالادى.
«ايتا كەتەيٸك, ۆاكتسيناتسييا – بارلىق ينفەكتسييالىق اۋرۋلاردىڭ الدىن-الاتىن بٸردەن-بٸر تەسٸل. ۆاكتسيناتسييا نەتيجەسٸندە بارلىق اۋرۋشاڭدىق پەن ٶلٸم-جەتٸم ازايادى. ٶيتكەنٸ, ادام بالاسى دٷنيەگە كەلگەلٸ تەك كوروناۆيرۋسقا قارسى ەمەس باسقا دا ۆاكتسينا الا باستايدى», - دەدٸ جامال جامانباەۆا.
سپيكەردٸڭ ايتۋىنشا, قازٸرگٸ تاڭدا ەپيدەميولوگييالىق احۋال ناشارلاپ كەلە جاتىر. ماڭعىستاۋ وبلىسى جاسىل ايماقتا بولسا دا, كوروناۆيرۋس ٸندەتٸن جۇقتىرعانداردىڭ سانى كٷننەن-كٷنگە ٶسۋدە. مەسەلەن, ينفەكتسييالىق ستاتسيونارلاردا 112 ادام كوروناۆيرۋستىق پنەۆمونييامەن ەم الىپ جاتسا, 41 ناۋقاستىڭ كوروناۆيرۋس ينفەكتسيياسىنا تاپسىرىلعان تەست سىناماسى وڭ نەتيجە كٶرسەتتٸ. 112 ناۋقاستىڭ ٸشٸندە 20 بالا بار, ونىڭ ەكەۋٸنٸڭ تەست قورىتىندىسى وڭ. سونداي-اق, ناۋقاستاردىڭ اراسىندا 7 جٷكتٸ ەيەل بار. ونىڭ 5 كوروناۆيرۋس ينفەكتسيياسىنا شالدىققان. جالپى ەمحانالاردا 135 ادام سيمپتومسىز جەنە جەڭٸل سيمپتومدارمەن تٸركەلٸپ, پروتوكول بويىنشا ەم قابىلداپ جٷر.
«عالىمداردىڭ بولجامى بويىنشا, قازٸر كوروناۆيرۋستىق ينفەكتسيياسىنىڭ 2-تولقىنى باستالدى. ونىڭ ەڭ جوعارعى ساتىسى اقپان-ناۋرىز ايلارىنا سەيكەس كەلٸپ وتىر. سول سەبەپتٸ ساقتىق شارالارىن قاتاڭ ۇستانىپ, ٶزٸمٸزگە دە, جاقىندارىمىزعا دا قامقور بولايىق», - دەدٸ جامال جامانباەۆا.
