Aldaǵy ýaqytta karantin talaptaryn buzyp, bir ret aiyppul tólese de, taǵy da kópshilikti jinaǵan kásipkerler sottyń sheshimimen meiramhanany múlde jabýy múmkin, dep habarlaidy Mańǵystaý oblysynyń qoǵamdyq kommýnikatsiia ortalyǵy.
Mańǵystaý oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentinin basshysy Ǵaziz Nadýevtyń málimetinshe, vedomstvoaralyq komissiia otyrysynda karantin talaptaryn buzǵan toihana, kafe ielerine qatysty zań jobasyn ázirleý týraly bastama kóterilgen.
Oǵan sebep - kei óńirlerde otbasylyq merekeler uiymdastyryp ákimshilik sharaǵa tartylǵan kásipkerler taǵy da karantin talaptaryn saqtamai birneshe ret toi jasaý derekteri tirkelgen.
Mańǵystaý oblysynyń bas sanitar dárigeriniń aitýynsha, óńirde sońǵy 20 kúnde 27 karantin talabyn buzý deregi anyqtaldy.
«Reid barysynda 108 nysanda zańbuzýshylyq anyqtalyp, 57 (12 jeke kásipker, 44 jeke tulǵa, 1 zańdy tulǵa) ákimshilik hattama (5 mln 972 700 teńge) toltyryldy. Aldaǵy ýaqytta karantin talaptaryn buzyp, bir ret aiyppul tólese de, taǵy da kópshilikti jinaǵan kásipkerler sottyń sheshimimen meiramhanany múlde jabýy múmkin. Vedomstvoaralyq komissiia otyrysynda karantin talaptaryn buzǵan toihana, kafe ielerine qatysty zań jobasyn ázirleý týraly bastama kóterildi. Oǵan sebep, kei óńirlerde otbasylyq merekeler uiymdastyrypákimshilik sharaǵa tartylǵan kásipkerler taǵy da karantin talaptaryn saqtamai birneshe ret toi jasaý derekteri tirkelgen», - dedi ol.
Al, 1 tamyzdan bastap koronavirýs pnevmoniiasymen aýyrǵan 230 naýqas tirkeldi. Sonyń ishinde 81-i - jasy 60-tan asqan turǵyndar.
«230 naýqastyń ishinde 81-i - 60-tan asqan adamdar. Bul – basqa jas kategoriialarmen salystyrǵanda óte joǵary kórsetkish. Onyń barlyǵy qazirgi tańda jasyryn túrde toi, sadaqa uiymdastyryp, oǵan barýdyń saldarynan týyndap otyr. Óitkeni otbasylyq sharalarǵa kóbine-kóp úlken jastaǵy adamdar qatysady», - dedi Ǵ. Nadýev.
6 qazannan bastap, Ózbekstan Respýblikasymen shekarada ornalasqan «Tájen» avtomobil ótkizý pýnkti arqyly 3401 avtokólik jáne jaiaý jolaýshylar kirdi. Onyń ishinde: tranzittik avtokólikter - 3130, Qazaqstan Respýblikasyna 216 avtokólik, 52 jolaýshy (20 jolaýshy PTR analizsiz, al 32 jolaýshy - PTR analizimen), 4 tranzittik jolaýshy ótti.
Tekserilgen 20 azamattyń ishinen 2 oń nátije anyqtaldy. Ekeýi de shaǵymsyz túrimen anyqtalýyna bailanysty úi karantinine alyndy.
Aqtaý halyqaralyq áýejaiy arqyly shet elderden 743 jolaýshy ushyp kelse, onyń ishinde 64 jolaýshy PTR analizi bolmaýyna bailanysty 2 kúnge statsionarǵa jatqyzylyp, koronavirýs infektsiiasyna PTR test tapsyrdy.
Test qorytyndysy boiynsha olardyń virýs juqtyrmaǵany belgili boldy.
