Mańǵystaý oblysynda karantin jariialandy. Mundaǵy Jarmysh aýylyndaǵy iri qara qutyrma dertine shaldyqqan. Turǵyndardyń dabyl qaǵýyna túie men jylqynyń jappai óle bastaýy sebep bolypty. Qazir aýyldyqtar qyryq bas malynan airylǵan. Olardyń aitýynsha, kelgen shyǵyn kólemi de az emes: 28 million teńge. Malmen kún kórip otyrǵan qarashaǵa ákimdiktegiler aiqai-shý shyǵarmaý kerektigin aitypty. Jurt aýrý ábden jaiylǵan soń baryp áreketke kóshken ákimdiktegilerge ókpeli. Al saý maldy egý jumystaryn aldaǵy kúnderi bastamaqshy eken.
Qoldaǵy qarasyna senip otyrǵan jarmyshtyqtar úshin bul aýrý tóbeden jai túsirgendei boldy. Óitkeni basty kúnkóris kózi sanalatyn túieniń naryqtaǵy baǵasy 700 myń teńgege jýyqtaidy. Al bular az kúnde 40 bastan aiyrylyp otyr. Onda da resmi derek bul. Al aidalada ólip jatqan janýarlardyń qansha ekeni belgisiz. Qazir turǵyndar óristen qaitpai qalǵan maldaryn izdep, aidalany kezip júr. Aitýlarynsha, mal arasyndaǵy indet týraly jergilikti basshylarǵa ótken jyldyń aiaǵynda eskertilgen. Biraq olar mán bermepti.
Beisembi Bekmaǵambetov, Jarmysh aýylynyń turǵyny:
- Aqtaýǵa sońǵy ólgen jylqylardy jiberdik. Eger qutyrǵan bolyp shyqsa ǵana vaktsina salamyz deidi. Al oǵan sheiin ólip jatyr mal. Túie kóp ólip edi, endi jylqy ólip jatyr.
Qaýipti indettiń negizgi belgileri ótken jyldyń qyrkúiek aiynda paida bolypty. Al, ólgen mal sany 30-ǵa jýyqtaǵanda aýyldyqtar dabyl qaǵa bastaǵan. Olar tipti ólgen mal men ustalǵan qasqyrdan synama alyp, Astanaǵa da jibergen. Ondaǵylar saraptama jasalǵan úsh túie men jylqynyń jáne qasqyrdyń qutyrǵanyn anyqtapty. Mundaǵy halyq endi maldy qoiyp, ózderiniń ómiri úshin alańdaýly, tipti jappai ekpe alyp jatyr. Sheneýnikterge sensek, aýrý maldan birneshe ret synama alynǵanymen, qutyrý derti rastalmapty. Tek sońǵy zertteýler arqyly ǵana indettiń bar ekeni anyqtalyp, ile-shala aýylda karantin jariialanǵan. Endi aýyldaǵy barlyq janýarǵa vaktsina egý jumystary bastalmaq.
Jamanqul Áliev, Jarmysh aýyldyq aimaǵy ákimdiginiń bas mamany:
- Aýyl ákimshiligi tiisti sheshim qabyldap, shekteý sharasy jónindegi sheshim shyǵardy. Bul jóninde endi tiisti maldar egilý kerek. Aýrý shyqqan mal dezinfektsiiadan ótýi kerek, adamdar da dárigerlik baqylaýdan ótý kerek. Osy jóninde sharalar jasaqtalyp jatyr. Qazir biz aýdandyq veterinarlyq stantsiiamen habarlasyp otyrmyz, olar endi egý jumystaryn bastaimyz dep otyr.
Mamandardyń aitýynsha, qutyrýǵa qarsy ekpe aýdandyq veterinarlyq stantsiiaǵa endi jetipti. Al, olar Jarmysh aýylyndaǵy 12 myń bas úi janýaryn egýdi búgin-erteń bastamaq kórinedi.
