ماڭعىستاۋ وبلىسىندا كارانتين جارييالاندى. مۇنداعى جارمىش اۋىلىنداعى ٸرٸ قارا قۇتىرما دەرتٸنە شالدىققان. تۇرعىنداردىڭ دابىل قاعۋىنا تٷيە مەن جىلقىنىڭ جاپپاي ٶلە باستاۋى سەبەپ بولىپتى. قازٸر اۋىلدىقتار قىرىق باس مالىنان ايرىلعان. ولاردىڭ ايتۋىنشا, كەلگەن شىعىن كٶلەمٸ دە از ەمەس: 28 ميلليون تەڭگە. مالمەن كٷن كٶرٸپ وتىرعان قاراشاعا ەكٸمدٸكتەگٸلەر ايقاي-شۋ شىعارماۋ كەرەكتٸگٸن ايتىپتى. جۇرت اۋرۋ ەبدەن جايىلعان سوڭ بارىپ ەرەكەتكە كٶشكەن ەكٸمدٸكتەگٸلەرگە ٶكپەلٸ. ال ساۋ مالدى ەگۋ جۇمىستارىن الداعى كٷندەرٸ باستاماقشى ەكەن.
قولداعى قاراسىنا سەنٸپ وتىرعان جارمىشتىقتار ٷشٸن بۇل اۋرۋ تٶبەدەن جاي تٷسٸرگەندەي بولدى. ٶيتكەنٸ باستى كٷنكٶرٸس كٶزٸ سانالاتىن تٷيەنٸڭ نارىقتاعى باعاسى 700 مىڭ تەڭگەگە جۋىقتايدى. ال بۇلار از كٷندە 40 باستان ايىرىلىپ وتىر. وندا دا رەسمي دەرەك بۇل. ال ايدالادا ٶلٸپ جاتقان جانۋارلاردىڭ قانشا ەكەنٸ بەلگٸسٸز. قازٸر تۇرعىندار ٶرٸستەن قايتپاي قالعان مالدارىن ٸزدەپ, ايدالانى كەزٸپ جٷر. ايتۋلارىنشا, مال اراسىنداعى ٸندەت تۋرالى جەرگٸلٸكتٸ باسشىلارعا ٶتكەن جىلدىڭ اياعىندا ەسكەرتٸلگەن. بٸراق ولار مەن بەرمەپتٸ.
بەيسەمبٸ بەكماعامبەتوۆ, جارمىش اۋىلىنىڭ تۇرعىنى:
- اقتاۋعا سوڭعى ٶلگەن جىلقىلاردى جٸبەردٸك. ەگەر قۇتىرعان بولىپ شىقسا عانا ۆاكتسينا سالامىز دەيدٸ. ال وعان شەيٸن ٶلٸپ جاتىر مال. تٷيە كٶپ ٶلٸپ ەدٸ, ەندٸ جىلقى ٶلٸپ جاتىر.
قاۋٸپتٸ ٸندەتتٸڭ نەگٸزگٸ بەلگٸلەرٸ ٶتكەن جىلدىڭ قىركٷيەك ايىندا پايدا بولىپتى. ال, ٶلگەن مال سانى 30-عا جۋىقتاعاندا اۋىلدىقتار دابىل قاعا باستاعان. ولار تٸپتٸ ٶلگەن مال مەن ۇستالعان قاسقىردان سىناما الىپ, استاناعا دا جٸبەرگەن. ونداعىلار ساراپتاما جاسالعان ٷش تٷيە مەن جىلقىنىڭ جەنە قاسقىردىڭ قۇتىرعانىن انىقتاپتى. مۇنداعى حالىق ەندٸ مالدى قويىپ, ٶزدەرٸنٸڭ ٶمٸرٸ ٷشٸن الاڭداۋلى, تٸپتٸ جاپپاي ەكپە الىپ جاتىر. شەنەۋنٸكتەرگە سەنسەك, اۋرۋ مالدان بٸرنەشە رەت سىناما الىنعانىمەن, قۇتىرۋ دەرتٸ راستالماپتى. تەك سوڭعى زەرتتەۋلەر ارقىلى عانا ٸندەتتٸڭ بار ەكەنٸ انىقتالىپ, ٸلە-شالا اۋىلدا كارانتين جارييالانعان. ەندٸ اۋىلداعى بارلىق جانۋارعا ۆاكتسينا ەگۋ جۇمىستارى باستالماق.
جامانقۇل ەليەۆ, جارمىش اۋىلدىق ايماعى ەكٸمدٸگٸنٸڭ باس مامانى:
- اۋىل ەكٸمشٸلٸگٸ تيٸستٸ شەشٸم قابىلداپ, شەكتەۋ شاراسى جٶنٸندەگٸ شەشٸم شىعاردى. بۇل جٶنٸندە ەندٸ تيٸستٸ مالدار ەگٸلۋ كەرەك. اۋرۋ شىققان مال دەزينفەكتسييادان ٶتۋٸ كەرەك, ادامدار دا دەرٸگەرلٸك باقىلاۋدان ٶتۋ كەرەك. وسى جٶنٸندە شارالار جاساقتالىپ جاتىر. قازٸر بٸز اۋداندىق ۆەتەرينارلىق ستانتسييامەن حابارلاسىپ وتىرمىز, ولار ەندٸ ەگۋ جۇمىستارىن باستايمىز دەپ وتىر.
مامانداردىڭ ايتۋىنشا, قۇتىرۋعا قارسى ەكپە اۋداندىق ۆەتەرينارلىق ستانتسيياعا ەندٸ جەتٸپتٸ. ال, ولار جارمىش اۋىلىنداعى 12 مىڭ باس ٷي جانۋارىن ەگۋدٸ بٷگٸن-ەرتەڭ باستاماق كٶرٸنەدٸ.
