Mańǵystaý oblysynda qalyptasqan jaǵdaiǵa bailanysty, Qazaqstan Respýblikasy Ekologiia, geologiia jáne tabiǵi resýrstar ministrliginiń «Qazgidromet» RMK 2020 jylǵy 5-6 tamyzda Mańǵystaý oblysynda naizaǵai oinap, qatty jańbyr jaýǵanyn habarlaidy.
«Táýlik ishinde túsken jaýyn-shashyn mólsheri: 2020 jylǵy 5 tamyzda Fort-Shevchenko meteostantsiiasynda – 23 mm qurady, bir aidaǵy norma 7 mm. 6 tamyzǵa qaraǵan túni Aqtaý qalasynyń ózinde naizaǵai oinap, qatty nóser saldarynan 66 mm jaýyn-shashyn mólsheri tústi, al bir aidaǵy norma 6 mm»,-delingen «Qazgidromet» RMK baspasóz qyzmetiniń habarlamasynda.
«Qazgidromet» RMK 6 tamyzǵa Mańǵystaý oblysy jáne Aqtaý qalasy boiynsha kútiletin mol jaýyn-shashyn, naizaǵai jáne daýyldy jel jóninde aldyn ala daýyldy eskertý shyǵardy jáne taratty.
Osyǵan deiin Aqtaýda kúni boiy jaýǵan jańbyr saldarynan ortalyq kóshelerdiń sýǵa tolyp, jańadan salynǵan kópqabatty úilerdiń shatyrynan sý ketkeni týraly jazǵan edik.
