2026 jylǵy 19 maýsym kúni Roza Baǵlanova atyndaǵy «Qazaqkontsert» memlekettik akademiialyq kontserttik uiymynda qazaqtyń kórnekti ánshisi, Qazaqstannyń halyq ártisi Manarbek Erjanovtyń týǵanyna 125 jyl tolýyna arnalǵan «Saira bulbul» atty mereitoilyq kontsert ótedi, dep habarlaidy ult.kz.
Kontserttik baǵdarlamada ult óneriniń kórnekti ókili Manarbek Erjanovtyń ómir joly men shyǵarmashylyq murasy mýzykalyq týyndylar arqyly jan-jaqty ashylyp, onyń qazaq kásibi án óneriniń damýyna qosqan ólsheýsiz úlesi keńinen nasihattalmaq.
Kesh barysynda qazaqtyń dástúrli án óneriniń jaýharlary men halyq kompozitorlarynyń tańdaýly shyǵarmalary oryndalyp, kórermen qaýym ánshiniń shyǵarmashylyǵymen tanysady.
Mereitoilyq kontsertke Qazaqstannyń eńbek sińirgen qairatkerleri Erlan Rysqali, Qumarbek Qalqatai, Medet Salyqov, Nurbolat Arzamasuly, «Qurmet» ordeniniń iegeri Klara Tólenbaeva, belgili kúishi Qairat Aitbaev, «Astana sazy» qazaq memlekettik folklorlyq ansambli jáne ózge de tanymal ónerpazdar qatysady.
«Saira bulbul» kontserti – qazaq án óneriniń kórnekti ókiliniń shyǵarmashylyq murasyn ulyqtaýǵa jáne ulttyq mýzykalyq qundylyqtardy keler urpaqqa nasihattaýǵa baǵyttalǵan taǵylymdy mádeni shara.
