Mańǵystaýdaǵy jaǵalaýdan 35 itbalyqtyń óleksesi tabyldy Mańǵystaýdaǵy jaǵalaýdan 35 itbalyqtyń óleksesi tabyldy Geely Galaxy EX5 EM-i Qazaqstandaǵy gibridter arasynda ekinshi ai qatarynan kósh bastap tur Geely Galaxy EX5 EM-i Qazaqstandaǵy gibridter arasynda ekinshi ai qatarynan kósh bastap tur
Sport

Mamyr aiynyń úzdik sportshysyna daýys berý bastaldy

Ult portaly
Mamyr aiynyń úzdik sportshysyna daýys berý bastaldy


Mamyr aiy qazaqstandyq sportshylar úshin iri jeńisterge, tartysty básekelerge toly boldy. Otandyq atletter túrli álemdik jáne qurlyqtyq jarystarda baq synap, el qorjynyn medaldar men Olimpiada joldamalarymen tolyqtyrdy, dep habarlaidy "Ult aqparat".

Qazaqstan Ulttyq Olimpiada komiteti ár aidyń úzdik komandasyn, sportshysyn anyqtaýdy jalǵastyrady. Mamyr aiynyń úzdigi úshin daýys berý 8 maýsym, saǵat 13:00-ge deiin jalǵasady. 

Slalomdy esýden Qazaqstan komandasy
QR komandasyna Olimpiada oiyndarynyń eki joldamasyn slalomdy esý sportynyń ókilderi syilady. Tailandtyń Pattaiia qalasynda ótken Aziia aimaqtyq irikteý týrnirinde Aleksandr Kýlikov pen Ekaterina Smirnovalar top jaryp, tiisinshe Tokio oiyndaryna litsenziia utyp aldy. Kýlikov kanoemen esýden, Smirnova baidarkamen esýden jeńiske jetken bolatyn. Slalomdy esýden Qazaqstan komandasy osymen tórtinshi ret Olimpiada oiyndaryna qatysqaly otyr. 

Kanoe men baidarkada esýden Qazaqstan komandasy
Pattaiia qalasynda kanoe men baidarkada esýden Olimpiada joldamalary sarapqa salynǵan bolatyn. Bul synda otandyq sportshylar úsh joldama jeńip aldy. Aǵaiyndy Sergei jáne Timofei Emelianovtar eki adamdyq kanoeden 1000 metrge jarysýdan litsenziiaǵa ielik etti. Sondai-aq, bir adamdyq baidarkamen 500 metrge jarysýdan Natalia Sergeeva, eki adamdyq kanoemen 500 metrge jarysýdan Svetlana Ýsova men Margarita Torlopova top jaryp, Tokio oiyndaryna qatysý quqyǵyn ielendi. 

Bokstan Qazaqstan áielder komandasy

Birikken Arab Ámirlikteriniń Dýbai qalasynda bokstan erler men áielder arasyndaǵy Aziia birinshiligi aiaqtalyp, Qazaqstan áielder komandasy jańa rekord ornatty. Bul synda Erik Alǵabek shákirtteri jalpy esebi 8 altyn, 1 kúmis jáne 1 qola medal jeńip aldy. Bizdiń komanda sapynan Alýa Balqybekova (48 keli), Nazym Qyzaibai (51 keli), Dina Jolaman (54 keli), Rimma Volosenko (60 keli), Milana Safronova (64 keli), Valentina Halzova (69 keli), Fariza Sholtai (81 keli) jáne Lázzat Kúngeibaeva (+81 keli) chempion atandy. Vladislava Kýhta (57 keli) kúmis, Marina Volnova (75 keli) qola júldegerler qatarynda. 

Vladislav Iakovlev, akademiialyq esý

Japoniianyń Tokio qalasynda ótken Aziia aimaqtyq irikteý týrnirinde akademiialyq esýden Qazaqstan komandasynyń múshesi Vladislav Iakovlev Olimpiada joldamasyn jeńip aldy. Ol erler arasyndaǵy jekelei synda óner kórsetken bolatyn. Finalda Vladislav Iakovlev Japoniia jáne Iran sportshylaryn alǵa jiberip, qola júldeger atandy. Irikteý týrniriniń jańa erejesine sáikes, Tokio Olimpiadasyna barý quqyǵy Iakovlevke berildi. Osylaisha, qazaqstandyq sportshy óziniń ekinshi Olimpiadasyna daiyndalý ústinde. 

Janna Mamajanova, jeńil atletika
Jeńil atletikadan Qazaqstan komandasynyń múshesi, marafonshy Janna Mamajanova Tokio Olimpiadasyna joldama jeńip aldy. Ol Avstriiadaǵy marafonshylar jarysynyń jeńimpazy atandy. Jannanyń ýaqyt kórsetkishi – 2:29.01 sekýnd. Bul Olimpiada oiyndarynda óner kórsetý úshin jetkilikti nátide. Avstriiadaǵy týrnirde Mamajanova Chehiia men Shvetsiia sportshylaryn artta qaldyrdy. 

Hokkeiden Qazaqstan komandasy

Shaibaly hokkeiden Latviianyń Riga qalasyndaǵy álem chempionatynyń toptyq kezeńi aiaqtaldy. V tobynda synǵa túsken Qazaqstan komandasy ázirge 10 upaimen úshinshi orynda keledi. Ótken aptada Iýrii Mihailis shákirtteri AQSh (0:3) pen Kanada (2:4) komandalaryna ese jiberip, Germaniia (3:2) men Italiia (11:3) quramalaryn jeńdi. Buǵan deiin Latviia jáne Finliandiia komandalaryn qazaqstandyqtar býllit seriiasy boiynsha jeńgen bolatyn. Toptaǵy sońǵy oiynda qazaqstandyqtar Norvegiiaǵa 1:3 esebimen jol berdi. Endi komandanyń shirek finalǵa ótý múmkindigi Finliandiia men Kanada arasyndaǵy kezdesýden soń belgili bolmaq. Match nátijesi qandai bolsa da, álem chempiondary Finliandiia men Olimpiada júldegeri Germaniiany utqan otandyq hokkeishiler maqtaýǵa ábden laiyq. 

Qaisar Alpysbai, karate

Portýgaliianyń Lissabon qalasynda karateden Premer-liga kezeńi ótken bolatyn. Qazaqstandyqtar atalǵan týrnirden úsh medal jeńip aldy. 60 kelide synǵa túsken Qaisar Alpysbai barlyq qarsylastarynan basym túsip, chempion atandy. Qaisar finalda latviialyq Kalvis Kalnynshti utqanyn esterińizge salamyz. 

Aýyr atletikadan Qazaqstan komandasy

Ózbekstan astanasy Tashkentte aýyr atletikadan jasóspirimder arasyndaǵy álem chempionaty aiaqtalyp, qazaqstandyq atletter alty medal jeńip aldy. Tashkent tórinde Abylai Áýelhanov (55 keli), Rahat Bekbolat (102 keli) jáne Aisamal Sansyzbaeva (+87 keli) altyn júldeger atanyp, el ánuranyn sharyqtatty. Aleksei Drozdov (61 keli) pen Aqmolda Sairamkez (67 keli) kúmis júlde ielense, Gúlnur Ybyrai (64 keli) qola júldegerler qataryna qosyldy. Jalpykomandalyq esepte Qazaqstan alǵashqy bestikke enip, álemdik syndy tabysty aiaqtady. 

Taekvondodan Qazaqstan komandasy

Iordaniianyń Amman qalasynda ótken Aziia aimaqtyq irikteý týrnirinde qazaqstandyqtar – Jansel Deniz ben Rýslan Japarov Olimpiada joldamasyn jeńip aldy. Olar óz salmaqtarynda týrnir jeńimpazy atanyp, tiisinshe Tokio oiyndaryna qatysý múmkindigin aldy. Aita ketelik, eki sportshy da Rio Olimpiadasynda el namysyn qorǵaǵan bolatyn. 

Oqi otyryńyz