مامىر ايى قازاقستاندىق سپورتشىلار ٷشٸن ٸرٸ جەڭٸستەرگە, تارتىستى بەسەكەلەرگە تولى بولدى. وتاندىق اتلەتتەر تٷرلٸ ەلەمدٸك جەنە قۇرلىقتىق جارىستاردا باق سىناپ, ەل قورجىنىن مەدالدار مەن وليمپيادا جولدامالارىمەن تولىقتىردى, دەپ حابارلايدى "ۇلت اقپارات".
قازاقستان ۇلتتىق وليمپيادا كوميتەتٸ ەر ايدىڭ ٷزدٸك كومانداسىن, سپورتشىسىن انىقتاۋدى جالعاستىرادى. مامىر ايىنىڭ ٷزدٸگٸ ٷشٸن داۋىس بەرۋ 8 ماۋسىم, ساعات 13:00-گە دەيٸن جالعاسادى.
بوكستان قازاقستان ەيەلدەر كومانداسى
بٸرٸككەن اراب ەمٸرلٸكتەرٸنٸڭ دۋباي قالاسىندا بوكستان ەرلەر مەن ەيەلدەر اراسىنداعى ازييا بٸرٸنشٸلٸگٸ اياقتالىپ, قازاقستان ەيەلدەر كومانداسى جاڭا رەكورد ورناتتى. بۇل سىندا ەرٸك العابەك شەكٸرتتەرٸ جالپى ەسەبٸ 8 التىن, 1 كٷمٸس جەنە 1 قولا مەدال جەڭٸپ الدى. بٸزدٸڭ كوماندا ساپىنان الۋا بالقىبەكوۆا (48 كەلٸ), نازىم قىزايباي (51 كەلٸ), دينا جولامان (54 كەلٸ), ريمما ۆولوسەنكو (60 كەلٸ), ميلانا سافرونوۆا (64 كەلٸ), ۆالەنتينا حالزوۆا (69 كەلٸ), فاريزا شولتاي (81 كەلٸ) جەنە لەززات كٷنگەيباەۆا (+81 كەلٸ) چەمپيون اتاندى. ۆلاديسلاۆا كۋحتا (57 كەلٸ) كٷمٸس, مارينا ۆولنوۆا (75 كەلٸ) قولا جٷلدەگەرلەر قاتارىندا.
ۆلاديسلاۆ ياكوۆلەۆ, اكادەمييالىق ەسۋ
جاپونييانىڭ توكيو قالاسىندا ٶتكەن ازييا ايماقتىق ٸرٸكتەۋ تۋرنيرٸندە اكادەمييالىق ەسۋدەن قازاقستان كومانداسىنىڭ مٷشەسٸ ۆلاديسلاۆ ياكوۆلەۆ وليمپيادا جولداماسىن جەڭٸپ الدى. ول ەرلەر اراسىنداعى جەكەلەي سىندا ٶنەر كٶرسەتكەن بولاتىن. فينالدا ۆلاديسلاۆ ياكوۆلەۆ جاپونييا جەنە يران سپورتشىلارىن العا جٸبەرٸپ, قولا جٷلدەگەر اتاندى. ٸرٸكتەۋ تۋرنيرٸنٸڭ جاڭا ەرەجەسٸنە سەيكەس, توكيو وليمپياداسىنا بارۋ قۇقىعى ياكوۆلەۆكە بەرٸلدٸ. وسىلايشا, قازاقستاندىق سپورتشى ٶزٸنٸڭ ەكٸنشٸ وليمپياداسىنا دايىندالۋ ٷستٸندە.
حوككەيدەن قازاقستان كومانداسى
شايبالى حوككەيدەن لاتۆييانىڭ ريگا قالاسىنداعى ەلەم چەمپيوناتىنىڭ توپتىق كەزەڭٸ اياقتالدى. ۆ توبىندا سىنعا تٷسكەن قازاقستان كومانداسى ەزٸرگە 10 ۇپايمەن ٷشٸنشٸ ورىندا كەلەدٸ. ٶتكەن اپتادا يۋريي ميحايليس شەكٸرتتەرٸ اقش (0:3) پەن كانادا (2:4) كوماندالارىنا ەسە جٸبەرٸپ, گەرمانييا (3:2) مەن يتالييا (11:3) قۇرامالارىن جەڭدٸ. بۇعان دەيٸن لاتۆييا جەنە فينلياندييا كوماندالارىن قازاقستاندىقتار بۋلليت سەريياسى بويىنشا جەڭگەن بولاتىن. توپتاعى سوڭعى ويىندا قازاقستاندىقتار نورۆەگيياعا 1:3 ەسەبٸمەن جول بەردٸ. ەندٸ كوماندانىڭ شيرەك فينالعا ٶتۋ مٷمكٸندٸگٸ فينلياندييا مەن كانادا اراسىنداعى كەزدەسۋدەن سوڭ بەلگٸلٸ بولماق. ماتچ نەتيجەسٸ قانداي بولسا دا, ەلەم چەمپيوندارى فينلياندييا مەن وليمپيادا جٷلدەگەرٸ گەرمانييانى ۇتقان وتاندىق حوككەيشٸلەر ماقتاۋعا ەبدەن لايىق.
قايسار الپىسباي, كاراتە
پورتۋگالييانىڭ ليسسابون قالاسىندا كاراتەدەن پرەمەر-ليگا كەزەڭٸ ٶتكەن بولاتىن. قازاقستاندىقتار اتالعان تۋرنيردەن ٷش مەدال جەڭٸپ الدى. 60 كەلٸدە سىنعا تٷسكەن قايسار الپىسباي بارلىق قارسىلاستارىنان باسىم تٷسٸپ, چەمپيون اتاندى. قايسار فينالدا لاتۆييالىق كالۆيس كالنىنشتٸ ۇتقانىن ەستەرٸڭٸزگە سالامىز.
اۋىر اتلەتيكادان قازاقستان كومانداسى
ٶزبەكستان استاناسى تاشكەنتتە اۋىر اتلەتيكادان جاسٶسپٸرٸمدەر اراسىنداعى ەلەم چەمپيوناتى اياقتالىپ, قازاقستاندىق اتلەتتەر التى مەدال جەڭٸپ الدى. تاشكەنت تٶرٸندە ابىلاي ەۋەلحانوۆ (55 كەلٸ), راحات بەكبولات (102 كەلٸ) جەنە ايسامال سانسىزباەۆا (+87 كەلٸ) التىن جٷلدەگەر اتانىپ, ەل ەنۇرانىن شارىقتاتتى. الەكسەي دروزدوۆ (61 كەلٸ) پەن اقمولدا سايرامكەز (67 كەلٸ) كٷمٸس جٷلدە يەلەنسە, گٷلنۇر ىبىراي (64 كەلٸ) قولا جٷلدەگەرلەر قاتارىنا قوسىلدى. جالپىكوماندالىق ەسەپتە قازاقستان العاشقى بەستٸككە ەنٸپ, ەلەمدٸك سىندى تابىستى اياقتادى.
تاەكۆوندودان قازاقستان كومانداسى
يوردانييانىڭ اممان قالاسىندا ٶتكەن ازييا ايماقتىق ٸرٸكتەۋ تۋرنيرٸندە قازاقستاندىقتار – جانسەل دەنيز بەن رۋسلان جاپاروۆ وليمپيادا جولداماسىن جەڭٸپ الدى. ولار ٶز سالماقتارىندا تۋرنير جەڭٸمپازى اتانىپ, تيٸسٸنشە توكيو ويىندارىنا قاتىسۋ مٷمكٸندٸگٸن الدى. ايتا كەتەلٸك, ەكٸ سپورتشى دا ريو وليمپياداسىندا ەل نامىسىن قورعاعان بولاتىن.
