Shyǵys Qazaqstan oblysynda kelesi aidan bastap áýe reisteri ashylady. Bul týraly oblys ákimi Danial Ahmetov Instagram-daǵy paraqshasynda jazdy.
«Memlekettik komissiianyń tóraǵasy, elimizdiń Premer-Ministri Asqar Maminnen Shyǵys Qazaqstan qalalary men Nur-Sultan, Almaty arasyndaǵy ishki aviareisterdi ashýǵa ruqsat berýin suradym. Osylaisha, biz mamyr aiynyń basynan oblystar arasynda elimizde alǵashqylardyń biri bolyp áýe qatynasyn qaita ashamyz. Kún saiyn Nur-Sultan men Almatydan Óskemenge deiin jáne keri qarai eki reisten qatynaityn bolady. Sondai-aq «Nur-Sultan-Semei», «Almaty-Semei» baǵyttary boiynsha bir reisten ushady», - deidi ákim.
Onyń aitýynsha, óńir kóleminde engizilgen shekteý rejiminen shyǵý josparynyń birinshi qadamy ekonomikalyq jaǵdaidy turaqtandyrý baǵytyn naqty baǵdarlaýǵa múmkindik beredi.
