شىعىس قازاقستان وبلىسىندا كەلەسٸ ايدان باستاپ ەۋە رەيستەرٸ اشىلادى. بۇل تۋرالى وبلىس ەكٸمٸ دانيال احمەتوۆ Instagram-داعى پاراقشاسىندا جازدى.
«مەملەكەتتٸك كوميسسييانىڭ تٶراعاسى, ەلٸمٸزدٸڭ پرەمەر-مينيسترٸ اسقار ماميننەن شىعىس قازاقستان قالالارى مەن نۇر-سۇلتان, الماتى اراسىنداعى ٸشكٸ اۆيارەيستەردٸ اشۋعا رۇقسات بەرۋٸن سۇرادىم. وسىلايشا, بٸز مامىر ايىنىڭ باسىنان وبلىستار اراسىندا ەلٸمٸزدە العاشقىلاردىڭ بٸرٸ بولىپ ەۋە قاتىناسىن قايتا اشامىز. كٷن سايىن نۇر-سۇلتان مەن الماتىدان ٶسكەمەنگە دەيٸن جەنە كەرٸ قاراي ەكٸ رەيستەن قاتىنايتىن بولادى. سونداي-اق «نۇر-سۇلتان-سەمەي», «الماتى-سەمەي» باعىتتارى بويىنشا بٸر رەيستەن ۇشادى», - دەيدٸ ەكٸم.
ونىڭ ايتۋىنشا, ٶڭٸر كٶلەمٸندە ەنگٸزٸلگەن شەكتەۋ رەجيمٸنەن شىعۋ جوسپارىنىڭ بٸرٸنشٸ قادامى ەكونوميكالىق جاعدايدى تۇراقتاندىرۋ باعىتىن ناقتى باعدارلاۋعا مٷمكٸندٸك بەرەدٸ.
