QR Premer-Ministri Asqar Mamin koronavirýs infektsiiasynan qaitys bolǵan qazaqstandyqtardyń otbasylaryna kóńil aitty, dep habarlaidy Úkimettiń resmi saity.
«Osynaý kúrdeli kezeńde Qazaqstan koronavirýs indetimen kúresýde. Ókinishke qarai, qaýipti indettiń saldarynan bizdiń otandastarymyz da kóz jumýda. Qaitys bolǵandardyń týǵan-týystary men jaqyndaryna asa qaiǵyra otyryp kóńil aitamyn.
Memleket basshysynyń sheshimi boiynsha 13 shilde COVID-19 indetinen qaitys bolǵan qazaqstandyqtardy eske alý úshin Jalpyulttyq aza tutý kúni bolyp jariialandy.
Qabyldanyp jatqan sharalar halqymyzdyń tabandylyǵy men erik-jigerin jáne óz kúshine degen senimin taǵy bir kórsete otyryp, bizge indettiń taralýyn toqtatýǵa múmkindik beretinine senimdimin»,-delingen kóńil aitý habarlamasynda.
