قر پرەمەر-مينيسترٸ اسقار مامين كوروناۆيرۋس ينفەكتسيياسىنان قايتىس بولعان قازاقستاندىقتاردىڭ وتباسىلارىنا كٶڭٸل ايتتى, دەپ حابارلايدى ٷكٸمەتتٸڭ رەسمي سايتى.
«وسىناۋ كٷردەلٸ كەزەڭدە قازاقستان كوروناۆيرۋس ٸندەتٸمەن كٷرەسۋدە. ٶكٸنٸشكە قاراي, قاۋٸپتٸ ٸندەتتٸڭ سالدارىنان بٸزدٸڭ وتانداستارىمىز دا كٶز جۇمۋدا. قايتىس بولعانداردىڭ تۋعان-تۋىستارى مەن جاقىندارىنا اسا قايعىرا وتىرىپ كٶڭٸل ايتامىن.
مەملەكەت باسشىسىنىڭ شەشٸمٸ بويىنشا 13 شٸلدە COVID-19 ٸندەتٸنەن قايتىس بولعان قازاقستاندىقتاردى ەسكە الۋ ٷشٸن جالپىۇلتتىق ازا تۇتۋ كٷنٸ بولىپ جارييالاندى.
قابىلدانىپ جاتقان شارالار حالقىمىزدىڭ تاباندىلىعى مەن ەرٸك-جٸگەرٸن جەنە ٶز كٷشٸنە دەگەن سەنٸمٸن تاعى بٸر كٶرسەتە وتىرىپ, بٸزگە ٸندەتتٸڭ تارالۋىن توقتاتۋعا مٷمكٸندٸك بەرەتٸنٸنە سەنٸمدٸمٸن»,-دەلٸنگەن كٶڭٸل ايتۋ حابارلاماسىندا.
