Túrkistan oblysynyń ákimi Ómirzaq Shókeev tóraǵalyq etken kezekti lezdemelik jiynda Maqtaaral aýdanyndaǵy tótenshe jaǵdaidyń saldaryn joiý máseleleri talqylandy. Aimaq basshysy jańadan salynyp jatqan turǵyn úilerdiń qurylysy óz merziminde, iaǵni, 1 tamyzda tolyq aiaqtaýdy tapsyrdy, dep habarlaidy QazAqparat.
«Óndiristik kestege sai baqylaý jumystaryn kúsheitip, merdigerlermen tyǵyz qarym-qatynasta jumys jasaý kerek. Sondai-aq, áleýmettik nysandardyń qurylysyna da nazardan tys qalmaýy qajet. Atalǵan jumystardyń óz merziminde aiaqtalýyna tikelei jaýapty ekendikterińizdi eskertemin», – dedi Ómirzaq Estaiuly.
Aita keteiik, Sardoba sý qoimasy bógetiniń buzylýy saldarynan oryn alǵan tótenshe jaǵdaiǵa bailanysty Maqtaaral aýdanynda 5 eldi mekende ornalasqan jalpy 866 turǵyn úi zardap shekken bolatyn. Jeńis, Jańaturmys, Dostyq eldimeken turǵyndarynyń kelisimi boiynsha, Myrzakent kentinde 386 jeke turǵyn úidiń qurylysy júrgizilýde. Onyń ishinde 196 turǵyn úi memlekettik biýdjet esebinen, qalǵan 190 turǵyn úi «B.Ótemuratov», «Saliqaly urpaq», «Biz Birgemiz» qorlary atynan salynýda.
Qurylys alańynda 1 550 jumysshy men 150 arnaiy tehnika qurylys - montaj jumystaryna jumyldyrylǵan. 200-dei úide qurylys jumystary aiaqtalýǵa jaqyn.
Tótenshe jaǵdai nátijesinde, Energetika jáne turǵyn úi-kommýnaldyq sharýashylyq basqarmasy eki negizi baǵyt boiynsha jumys júrgizýde. Jańa turǵyn úi qurylysynda tolyq injenerlik infraqurylym salynyp jatyr. Sonymen qatar, Firdaýsi jáne Órgebas eldimekenindegi sýmen jabdyqtaý júielerin qalpyna keltirý jumystary júrgizilýde.
