تٷركٸستان وبلىسىنىڭ ەكٸمٸ ٶمٸرزاق شٶكەەۆ تٶراعالىق ەتكەن كەزەكتٸ لەزدەمەلٸك جيىندا ماقتاارال اۋدانىنداعى تٶتەنشە جاعدايدىڭ سالدارىن جويۋ مەسەلەلەرٸ تالقىلاندى. ايماق باسشىسى جاڭادان سالىنىپ جاتقان تۇرعىن ٷيلەردٸڭ قۇرىلىسى ٶز مەرزٸمٸندە, ياعني, 1 تامىزدا تولىق اياقتاۋدى تاپسىردى, دەپ حابارلايدى قازاقپارات.
«ٶندٸرٸستٸك كەستەگە ساي باقىلاۋ جۇمىستارىن كٷشەيتٸپ, مەردٸگەرلەرمەن تىعىز قارىم-قاتىناستا جۇمىس جاساۋ كەرەك. سونداي-اق, ەلەۋمەتتٸك نىسانداردىڭ قۇرىلىسىنا دا نازاردان تىس قالماۋى قاجەت. اتالعان جۇمىستاردىڭ ٶز مەرزٸمٸندە اياقتالۋىنا تٸكەلەي جاۋاپتى ەكەندٸكتەرٸڭٸزدٸ ەسكەرتەمٸن», – دەدٸ ٶمٸرزاق ەستايۇلى.
ايتا كەتەيٸك, ساردوبا سۋ قويماسى بٶگەتٸنٸڭ بۇزىلۋى سالدارىنان ورىن العان تٶتەنشە جاعدايعا بايلانىستى ماقتاارال اۋدانىندا 5 ەلدٸ مەكەندە ورنالاسقان جالپى 866 تۇرعىن ٷي زارداپ شەككەن بولاتىن. جەڭٸس, جاڭاتۇرمىس, دوستىق ەلدٸمەكەن تۇرعىندارىنىڭ كەلٸسٸمٸ بويىنشا, مىرزاكەنت كەنتٸندە 386 جەكە تۇرعىن ٷيدٸڭ قۇرىلىسى جٷرگٸزٸلۋدە. ونىڭ ٸشٸندە 196 تۇرعىن ٷي مەملەكەتتٸك بيۋدجەت ەسەبٸنەن, قالعان 190 تۇرعىن ٷي «ب.ٶتەمۇراتوۆ», «ساليقالى ۇرپاق», «بٸز بٸرگەمٸز» قورلارى اتىنان سالىنۋدا.
قۇرىلىس الاڭىندا 1 550 جۇمىسشى مەن 150 ارنايى تەحنيكا قۇرىلىس - مونتاج جۇمىستارىنا جۇمىلدىرىلعان. 200-دەي ٷيدە قۇرىلىس جۇمىستارى اياقتالۋعا جاقىن.
تٶتەنشە جاعداي نەتيجەسٸندە, ەنەرگەتيكا جەنە تۇرعىن ٷي-كوممۋنالدىق شارۋاشىلىق باسقارماسى ەكٸ نەگٸزٸ باعىت بويىنشا جۇمىس جٷرگٸزۋدە. جاڭا تۇرعىن ٷي قۇرىلىسىندا تولىق ينجەنەرلٸك ينفراقۇرىلىم سالىنىپ جاتىر. سونىمەن قاتار, فيرداۋسي جەنە ٶرگەباس ەلدٸمەكەنٸندەگٸ سۋمەن جابدىقتاۋ جٷيەلەرٸن قالپىنا كەلتٸرۋ جۇمىستارى جٷرگٸزٸلۋدە.
