Maqtaaral aýdanynda memlekettik qyzmetterdiń sapasyn jáne elektrondy túrde kórsetiletin qyzmetter úlesin arttyrý jóninde májilis ótti. Jiynǵa qala, kentter, aýyldyq okrýgter ákimderi, aýdandyq qyzmet usynýshy bólimderdiń basshylary, halyqty jumyspen qamtý ortalyǵynyń qyzmetkerleri qatysty, dep habarlaidy "Ult aqparat" OQO ákiminiń baspasóz qyzmetine silteme jasap.
Jiynda QR Memlekettik qyzmet isteri jáne sybailas jemqorlyqqa qarsy is-qimyl agenttiginiń OQO boiynsha departamentiniń «Memlekettik kórsetiletin qyzmetter» basqarmasynyń bas mamany, top jetekshisi Nurjan Sarǵaldaqov baiandama jasap, jiynǵa qatysýshylardy birqatar jańalyqtardan habardar etti.
Aýdan ákimi apparaty uiymdastyrý-inspektorlyq bóliminiń bas inspektory Erlan Turymbetovtiń aitýynsha, Maqtaaral aýdany ákimdiginiń derbes bólimderi, qala, kentter men aýyldyq okrýgteri ákimderimen aǵymdaǵy jyldyń 6 aiynda 206 877 memlekettik qyzmet kórsetilgen. Onyń ishinde qaǵaz júzinde ári tikelei – 182 887 qyzmet, «Azamattar úshin úkimet» memlekettik korporatsiialary Halyqqa qyzmet kórsetý ortalyqtary arqyly – 11 974 (6%), elektrondy úkimettiń veb-portaly arqyly – 12 016 (6%) qyzmet júzege asqan.
Memlekettik kórsetiletin qyzmetterdiń sapasy men elektrondy túrde kórsetiletin qyzmetterdiń úlesin arttyrý maqsatynda qala, kentter men aýyldyq okrýgteri ákimderiniń, derbes bólimderdiń jáne mektepterdiń informatika páni muǵalimderine slaid arqyly elektrondy tsifrlyq qoltańba alý, e.gov.kz portalynan qyzmetter alý múmkindikteri keńinen túsindirilgen.
Sonymen qatar, aýyldyq okrýgterde keńes berý jáne elektrondyq túrde qyzmetterdi alý boiynsha 24 qala, kent, aýyldyq okrýgteri ákimderiniń 48 mamany Halyqqa qyzmet kórsetý ortalyqtarynda oqytýdan ótipti.
Kórsetiletin qyzmetterge qoljetimdilikti arttyrý barysynda aýdan ákimdiginiń resmi Maktaral.gov.kz internet-resýrsynda «Memlekettik qyzmet kórsetý» bólimi ashylyp, onda qoǵamdyq monitoring qorytyndysy, jaýapty mamandar, bailanys telefondary, infografikalar, jyldyq, toqsandyq esepter jáne salaǵa qatysty ózgede aqparattar ornalastyrylǵan. Sonymen birge, veb-saitta ETsQ alýdyń tiimdi tásilderi men yńǵaily beinerolikter ornatylyp, qyzmetter tizilimi arqyly qajetti qyzmetti tańdai otyryp, e.gov.kz portalyna ótý múmkindigi qarastyrylǵan.
