ماقتاارال اۋدانىندا مەملەكەتتٸك قىزمەتتەردٸڭ ساپاسىن جەنە ەلەكتروندى تٷردە كٶرسەتٸلەتٸن قىزمەتتەر ٷلەسٸن ارتتىرۋ جٶنٸندە مەجٸلٸس ٶتتٸ. جيىنعا قالا, كەنتتەر, اۋىلدىق وكرۋگتەر ەكٸمدەرٸ, اۋداندىق قىزمەت ۇسىنۋشى بٶلٸمدەردٸڭ باسشىلارى, حالىقتى جۇمىسپەن قامتۋ ورتالىعىنىڭ قىزمەتكەرلەرٸ قاتىستى, دەپ حابارلايدى "ۇلت اقپارات" وقو ەكٸمٸنٸڭ باسپاسٶز قىزمەتٸنە سٸلتەمە جاساپ.
جيىندا قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ وقو بويىنشا دەپارتامەنتٸنٸڭ «مەملەكەتتٸك كٶرسەتٸلەتٸن قىزمەتتەر» باسقارماسىنىڭ باس مامانى, توپ جەتەكشٸسٸ نۇرجان سارعالداقوۆ بايانداما جاساپ, جيىنعا قاتىسۋشىلاردى بٸرقاتار جاڭالىقتاردان حاباردار ەتتٸ.
اۋدان ەكٸمٸ اپپاراتى ۇيىمداستىرۋ-ينسپەكتورلىق بٶلٸمٸنٸڭ باس ينسپەكتورى ەرلان تۇرىمبەتوۆتٸڭ ايتۋىنشا, ماقتاارال اۋدانى ەكٸمدٸگٸنٸڭ دەربەس بٶلٸمدەرٸ, قالا, كەنتتەر مەن اۋىلدىق وكرۋگتەرٸ ەكٸمدەرٸمەن اعىمداعى جىلدىڭ 6 ايىندا 206 877 مەملەكەتتٸك قىزمەت كٶرسەتٸلگەن. ونىڭ ٸشٸندە قاعاز جٷزٸندە ەرٸ تٸكەلەي – 182 887 قىزمەت, «ازاماتتار ٷشٸن ٷكٸمەت» مەملەكەتتٸك كورپوراتسييالارى حالىققا قىزمەت كٶرسەتۋ ورتالىقتارى ارقىلى – 11 974 (6%), ەلەكتروندى ٷكٸمەتتٸڭ ۆەب-پورتالى ارقىلى – 12 016 (6%) قىزمەت جٷزەگە اسقان.
مەملەكەتتٸك كٶرسەتٸلەتٸن قىزمەتتەردٸڭ ساپاسى مەن ەلەكتروندى تٷردە كٶرسەتٸلەتٸن قىزمەتتەردٸڭ ٷلەسٸن ارتتىرۋ ماقساتىندا قالا, كەنتتەر مەن اۋىلدىق وكرۋگتەرٸ ەكٸمدەرٸنٸڭ, دەربەس بٶلٸمدەردٸڭ جەنە مەكتەپتەردٸڭ ينفورماتيكا پەنٸ مۇعالٸمدەرٸنە سلايد ارقىلى ەلەكتروندى تسيفرلىق قولتاڭبا الۋ, e.gov.kz پورتالىنان قىزمەتتەر الۋ مٷمكٸندٸكتەرٸ كەڭٸنەن تٷسٸندٸرٸلگەن.
سونىمەن قاتار, اۋىلدىق وكرۋگتەردە كەڭەس بەرۋ جەنە ەلەكتروندىق تٷردە قىزمەتتەردٸ الۋ بويىنشا 24 قالا, كەنت, اۋىلدىق وكرۋگتەرٸ ەكٸمدەرٸنٸڭ 48 مامانى حالىققا قىزمەت كٶرسەتۋ ورتالىقتارىندا وقىتۋدان ٶتٸپتٸ.
كٶرسەتٸلەتٸن قىزمەتتەرگە قولجەتٸمدٸلٸكتٸ ارتتىرۋ بارىسىندا اۋدان ەكٸمدٸگٸنٸڭ رەسمي Maktaral.gov.kz ينتەرنەت-رەسۋرسىندا «مەملەكەتتٸك قىزمەت كٶرسەتۋ» بٶلٸمٸ اشىلىپ, وندا قوعامدىق مونيتورينگ قورىتىندىسى, جاۋاپتى ماماندار, بايلانىس تەلەفوندارى, ينفوگرافيكالار, جىلدىق, توقساندىق ەسەپتەر جەنە سالاعا قاتىستى ٶزگەدە اقپاراتتار ورنالاستىرىلعان. سونىمەن بٸرگە, ۆەب-سايتتا ەتسق الۋدىڭ تيٸمدٸ تەسٸلدەرٸ مەن ىڭعايلى بەينەروليكتەر ورناتىلىپ, قىزمەتتەر تٸزٸلٸمٸ ارقىلى قاجەتتٸ قىزمەتتٸ تاڭداي وتىرىپ, e.gov.kz پورتالىنا ٶتۋ مٷمكٸندٸگٸ قاراستىرىلعان.
