«NUR-Media» holdingi bas direktorynyń orynbasary qyzmetine Maksim Spotkai taǵaiyndaldy. Bul týraly «Nur Otan» partiiasy Tóraǵasynyń birinshi orynbasary Máýlen Áshimbaev óziniń Feisbýk paraqshasynda jazdy, dep habarlaidy QazAqparat tilshisi.
«Ol óziniń eńbek jolyn bizdiń partiianyń Aqsý qalalyq filialynda bastady. Osyǵan deiin ol «Jas Otan» jastar qanatynyń belsendisi boldy. BAQ salasy men aqparattyq saiasat baǵytynda tiisti tájiribesi bar», - dep jazdy Máýlen Áshimbaev óz paraqshasynda.
Onyń sózine qaraǵanda, Maksim ortalyq deńgeide partiiadaǵy jumysy barysynda ózin jaqsy jaǵynan kórsete bildi.
«Dál osyndai adamdar bolashaqta bizdiń partiianyń kelbetin aiqyndaitynyna senimdimin. «Nur Otan» partiiasyn júieli jańǵyrtý aiasynda aqparattyq saiasatymyz salasynda mańyzdy transformatsiialar júrgizýdemiz. Osy oraida, partiialyq media-holdingtegi jańa kadrlar onyń jumysyn joǵary sapaly deńgeige shyǵarýǵa múmkindik beredi dep úmittenemin», - dep atap ótti M. Áshimbaev.
Esterińizge sala keteiik, biyl shildeniń basynda Lázzat Tanysbai «NUR-Media» holdinginiń bas direktory bolyp taǵaiyndaldy.
.jpeg)