«نۇر-مەديا» حولدينگٸ باس ديرەكتورىنىڭ ورىنباسارى قىزمەتٸنە ماكسيم سپوتكاي تاعايىندالدى. بۇل تۋرالى «نۇر وتان» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ ٶزٸنٸڭ فەيسبۋك پاراقشاسىندا جازدى, دەپ حابارلايدى قازاقپارات تٸلشٸسٸ.
«ول ٶزٸنٸڭ ەڭبەك جولىن بٸزدٸڭ پارتييانىڭ اقسۋ قالالىق فيليالىندا باستادى. وسىعان دەيٸن ول «جاس وتان» جاستار قاناتىنىڭ بەلسەندٸسٸ بولدى. باق سالاسى مەن اقپاراتتىق ساياسات باعىتىندا تيٸستٸ تەجٸريبەسٸ بار», - دەپ جازدى مەۋلەن ەشٸمباەۆ ٶز پاراقشاسىندا.
ونىڭ سٶزٸنە قاراعاندا, ماكسيم ورتالىق دەڭگەيدە پارتيياداعى جۇمىسى بارىسىندا ٶزٸن جاقسى جاعىنان كٶرسەتە بٸلدٸ.
«دەل وسىنداي ادامدار بولاشاقتا بٸزدٸڭ پارتييانىڭ كەلبەتٸن ايقىندايتىنىنا سەنٸمدٸمٸن. «نۇر وتان» پارتيياسىن جٷيەلٸ جاڭعىرتۋ اياسىندا اقپاراتتىق ساياساتىمىز سالاسىندا ماڭىزدى ترانسفورماتسييالار جٷرگٸزۋدەمٸز. وسى ورايدا, پارتييالىق مەديا-حولدينگتەگٸ جاڭا كادرلار ونىڭ جۇمىسىن جوعارى ساپالى دەڭگەيگە شىعارۋعا مٷمكٸندٸك بەرەدٸ دەپ ٷمٸتتەنەمٸن», - دەپ اتاپ ٶتتٸ م. ەشٸمباەۆ.
ەستەرٸڭٸزگە سالا كەتەيٸك, بيىل شٸلدەنٸڭ باسىندا لەززات تانىسباي «نۇر-مەديا» حولدينگٸنٸڭ باس ديرەكتورى بولىپ تاعايىندالدى.
.jpeg)