19 qazanda Qazaqstannyń soltústiginde jańbyr jaýyp, jel kúsheiedi. Keibir qalalarda tuman túsip, shyǵysta jańbyr aralas qar kútiledi, dep habarlaidy ult.kz.
Astanada jaýyn-shashynsyz, tumandy aýa raiy boljanady. Túnde +2…+4, kúndiz +13…+15 gradýs bolady. Jel kúndiz sekýndyna 9–14 metrge deiin kúsheiedi. Almatyda jaýyn-shashyn bolmaidy: túnde +2…+4, kúndiz +15…+17 gradýs. Shymkentte de kún ashyq bolyp, túnde +7…+9, kúndiz +22…+24 gradýsqa deiin jylynady.
Kókshetaý, Qostanai jáne Petropavlda kúndiz jańbyr jaýady. Petropavlda jel ekpini sekýndyna 23–28 metrge, Kókshetaýda 23 metrge deiin jetedi. Bul qalalarda kúndiz +13…+18 gradýs shamasynda bolady. Oralda da azdaǵan jańbyr kútiledi.
Qaraǵandy men Semeide tuman túsedi. Semeide túnde −1…−3, Taldyqorǵanda −3…−5 gradýsqa deiin sýytady. Óskemende túnde jańbyr aralas qar jaýyp, kúndiz +4…+6 gradýs qana bolady. Al Aqtaý, Atyraý, Qyzylorda jáne Túrkistanda jaýyn-shashynsyz, kúndiz +20…+24 gradýsqa deiin jyly aýa raiy saqtalady.
