Alǵa qoiǵan maqsattardy birlese oryndaý jańadan myna jetinshi shaqyrylǵan Parlament depýtattarynyń qolynan keledi. Bul týraly Parlament Senatynyń depýtaty Nurtóre Júsip málim etti, dep habarlaidy "Ult aqparat".
«Búgingi Parlament Palatalarynyń birlesken otyrysynda Memleket basshysy Qasym-Jomart Kemeluly Toqaev óte mazmundy baiandama jasady. Onda qol jetken jetistikter men Qazaqstan táýelsizdiginiń aldaǵy 30 jyldyǵy qarsańyndaǵy, tórtinshi onjyldyq elimizdiń negizgi basymdyq retinde Qazaqstandy qýatty memleketke ainaldyrý degen másele kóterildi. Osy aitylǵan saiasatty qoldaimyz, quptaimyz. Ótkeni, memleket qýatty, adamdar qajyrly, jigerli bolmaiynsha alǵa jyljý qiyndai beredi», - dedi N. Júsip.
Onyń paiymynsha, Memleket basshysynyń qoiyp otyrǵan talaby óte oryndy. Densaýlyq máselesine, bilim máselesine, azamattardyń ál-aýqatyn arttyrý máselesine birqatar jaqsy usynystar boldy.
«Sonymen birge qoǵamnyń ashyqtyǵyn qamtamasyz etý turǵysynda da úlken oilar aityldy. Ol kisiniń ózi aityp júrgen «Kúshti Prezident, yqpaldy Parlament, jaýapty Úkimet» degen qaǵidalaryn qazirgi ómirde sheshimin tabýǵa tiisti úsh tirekti bolatyn bolsa, sony osylai aitýǵa bolady. Sonyń ishinde Parlamenttiń aldyna eki túrli mindet qoidy. Onyń biri – sapaly zań shyǵarý, qabyldaý, ekinshisi Parlamentti búkil qoǵamdaǵy irili-usaqty máselelerdiń sheshimin tabatyn ortalyqqa ainaldyrý degen másele bolyp otyr. Bul da óte mańyzdy dep esepteimin. Sondyqtan Memleket basshysy alǵa qoiyp otyrǵan talaptaryn, alǵa qoiǵan maqsattardy birlese oryndaý jańadan myna jetinshi shaqyrylǵan Parlament depýtattarynyń qolynan keledi, oǵan Senat depýtattary úlken serpinmen atsalysady dep aita alamyz», - dedi senator.
.jpeg)