العا قويعان ماقساتتاردى بٸرلەسە ورىنداۋ جاڭادان مىنا جەتٸنشٸ شاقىرىلعان پارلامەنت دەپۋتاتتارىنىڭ قولىنان كەلەدٸ. بۇل تۋرالى پارلامەنت سەناتىنىڭ دەپۋتاتى نۇرتٶرە جٷسٸپ مەلٸم ەتتٸ, دەپ حابارلايدى "ۇلت اقپارات".
«بٷگٸنگٸ پارلامەنت پالاتالارىنىڭ بٸرلەسكەن وتىرىسىندا مەملەكەت باسشىسى قاسىم-جومارت كەمەلۇلى توقاەۆ ٶتە مازمۇندى بايانداما جاسادى. وندا قول جەتكەن جەتٸستٸكتەر مەن قازاقستان تەۋەلسٸزدٸگٸنٸڭ الداعى 30 جىلدىعى قارساڭىنداعى, تٶرتٸنشٸ ونجىلدىق ەلٸمٸزدٸڭ نەگٸزگٸ باسىمدىق رەتٸندە قازاقستاندى قۋاتتى مەملەكەتكە اينالدىرۋ دەگەن مەسەلە كٶتەرٸلدٸ. وسى ايتىلعان ساياساتتى قولدايمىز, قۇپتايمىز. ٶتكەنٸ, مەملەكەت قۋاتتى, ادامدار قاجىرلى, جٸگەرلٸ بولمايىنشا العا جىلجۋ قيىنداي بەرەدٸ», - دەدٸ ن. جٷسٸپ.
ونىڭ پايىمىنشا, مەملەكەت باسشىسىنىڭ قويىپ وتىرعان تالابى ٶتە ورىندى. دەنساۋلىق مەسەلەسٸنە, بٸلٸم مەسەلەسٸنە, ازاماتتاردىڭ ەل-اۋقاتىن ارتتىرۋ مەسەلەسٸنە بٸرقاتار جاقسى ۇسىنىستار بولدى.
«سونىمەن بٸرگە قوعامنىڭ اشىقتىعىن قامتاماسىز ەتۋ تۇرعىسىندا دا ٷلكەن ويلار ايتىلدى. ول كٸسٸنٸڭ ٶزٸ ايتىپ جٷرگەن «كٷشتٸ پرەزيدەنت, ىقپالدى پارلامەنت, جاۋاپتى ٷكٸمەت» دەگەن قاعيدالارىن قازٸرگٸ ٶمٸردە شەشٸمٸن تابۋعا تيٸستٸ ٷش تٸرەكتٸ بولاتىن بولسا, سونى وسىلاي ايتۋعا بولادى. سونىڭ ٸشٸندە پارلامەنتتٸڭ الدىنا ەكٸ تٷرلٸ مٸندەت قويدى. ونىڭ بٸرٸ – ساپالى زاڭ شىعارۋ, قابىلداۋ, ەكٸنشٸسٸ پارلامەنتتٸ بٷكٸل قوعامداعى ٸرٸلٸ-ۇساقتى مەسەلەلەردٸڭ شەشٸمٸن تاباتىن ورتالىققا اينالدىرۋ دەگەن مەسەلە بولىپ وتىر. بۇل دا ٶتە ماڭىزدى دەپ ەسەپتەيمٸن. سوندىقتان مەملەكەت باسشىسى العا قويىپ وتىرعان تالاپتارىن, العا قويعان ماقساتتاردى بٸرلەسە ورىنداۋ جاڭادان مىنا جەتٸنشٸ شاقىرىلعان پارلامەنت دەپۋتاتتارىنىڭ قولىنان كەلەدٸ, وعان سەنات دەپۋتاتتارى ٷلكەن سەرپٸنمەن اتسالىسادى دەپ ايتا الامىز», - دەدٸ سەناتور.
.jpeg)