Maqpal Júnisova osydan 27 jyl buryn óz tyńdarmanynan zábir kórgen. Bul týraly ol «El aýzynda» baǵdarlamasyna bergen suqbatynda aitty.
Bul oqiǵa Ońtústik Qazaqstan oblysynda bolypty. Jergilikti tanysynyń úiinde otyrǵanda syrttan er adam kelip, jas ánshige tap bermek bolǵan. Ony tek jabyq esik qana qutqaryp qalypty.
«Esikti teýip: "Ash. Men qazir seni zorlaimyn" degenge deiin bardy ǵoi. Esi aýysqan bireý. Sosyn Ulbolsyn apaidan munyń kim ekenin suradym. "Oibai, Maqpal úndeme. Bul qazir bizdi óltiredi, baýyzdaidy. Bul osy jerdiń jyndysy. Bul aqyl-esi kem adamdar tiziminde turǵan adam. Budan búkil Jetisai qorqady" dedi. Ana jigittiń boiy 2 metr, eńgezerdei eken. Mýzykantym bar edi. Sony kóterip alyp, laqtyryp jibergen ǵoi», – dedi Júnisova.
Halyq ony «Erke qyz» dep atasa da, erkesin sol kezde eshkim qorǵai almapty. Tipti politsiia da.
«Sol kezde terezeden sekireiik desek, ana jigit esikti julqylap, balaǵat sózder aityp jatyr. Sondaidy da kórgenbiz. Men ókirip, jylap aldym. Tanymaityn aidaladaǵy bir qazaq. Sodan bir jarym saǵat ótkennen keiin, amal joq, esikti ashtyq "óltirse - óltirsin" dep. Ashyp qalsaq, ana jigit tur. Meni kórip, «Janym-ai, altynym-ai, men seni uzaq kútip qaldym ǵoi" deidi. Men shoshyp turmyn andaǵy jerde qazir uryp jibere me eken dep. Sóitip, maǵan qarap turyp: "qyzdaryma avtograf bershi" degen kezde, men ne isterimdi bilmei qaldym. Bári bitken soń Ulbosyn apai onyń esi durys emes ekenin taǵy aityp jatty. Sonda esi ketip turǵan kezinde bizdi pyshaqtap óltirip ketýi de múmkin eken ǵoi», – deidi ánshi.
