ماقپال جٷنٸسوۆا وسىدان 27 جىل بۇرىن ٶز تىڭدارمانىنان زەبٸر كٶرگەن. بۇل تۋرالى ول «ەل اۋزىندا» باعدارلاماسىنا بەرگەن سۇقباتىندا ايتتى.
بۇل وقيعا وڭتٷستٸك قازاقستان وبلىسىندا بولىپتى. جەرگٸلٸكتٸ تانىسىنىڭ ٷيٸندە وتىرعاندا سىرتتان ەر ادام كەلٸپ, جاس ەنشٸگە تاپ بەرمەك بولعان. ونى تەك جابىق ەسٸك قانا قۇتقارىپ قالىپتى.
«ەسٸكتٸ تەۋٸپ: "اش. مەن قازٸر سەنٸ زورلايمىن" دەگەنگە دەيٸن باردى عوي. ەسٸ اۋىسقان بٸرەۋ. سوسىن ۇلبولسىن اپايدان مۇنىڭ كٸم ەكەنٸن سۇرادىم. "ويباي, ماقپال ٷندەمە. بۇل قازٸر بٸزدٸ ٶلتٸرەدٸ, باۋىزدايدى. بۇل وسى جەردٸڭ جىندىسى. بۇل اقىل-ەسٸ كەم ادامدار تٸزٸمٸندە تۇرعان ادام. بۇدان بٷكٸل جەتٸساي قورقادى" دەدٸ. انا جٸگٸتتٸڭ بويى 2 مەتر, ەڭگەزەردەي ەكەن. مۋزىكانتىم بار ەدٸ. سونى كٶتەرٸپ الىپ, لاقتىرىپ جٸبەرگەن عوي», – دەدٸ جٷنٸسوۆا.
حالىق ونى «ەركە قىز» دەپ اتاسا دا, ەركەسٸن سول كەزدە ەشكٸم قورعاي الماپتى. تٸپتٸ پوليتسييا دا.
«سول كەزدە تەرەزەدەن سەكٸرەيٸك دەسەك, انا جٸگٸت ەسٸكتٸ جۇلقىلاپ, بالاعات سٶزدەر ايتىپ جاتىر. سوندايدى دا كٶرگەنبٸز. مەن ٶكٸرٸپ, جىلاپ الدىم. تانىمايتىن ايدالاداعى بٸر قازاق. سودان بٸر جارىم ساعات ٶتكەننەن كەيٸن, امال جوق, ەسٸكتٸ اشتىق "ٶلتٸرسە - ٶلتٸرسٸن" دەپ. اشىپ قالساق, انا جٸگٸت تۇر. مەنٸ كٶرٸپ, «جانىم-اي, التىنىم-اي, مەن سەنٸ ۇزاق كٷتٸپ قالدىم عوي" دەيدٸ. مەن شوشىپ تۇرمىن انداعى جەردە قازٸر ۇرىپ جٸبەرە مە ەكەن دەپ. سٶيتٸپ, ماعان قاراپ تۇرىپ: "قىزدارىما اۆتوگراف بەرشٸ" دەگەن كەزدە, مەن نە ٸستەرٸمدٸ بٸلمەي قالدىم. بەرٸ بٸتكەن سوڭ ۇلبوسىن اپاي ونىڭ ەسٸ دۇرىس ەمەس ەكەنٸن تاعى ايتىپ جاتتى. سوندا ەسٸ كەتٸپ تۇرعان كەزٸندە بٸزدٸ پىشاقتاپ ٶلتٸرٸپ كەتۋٸ دە مٷمكٸن ەكەن عوي», – دەيدٸ ەنشٸ.
