Seisenbi kúni keshke Liýksembýrg filarmoniiasynyń kameralyq mýzyka zalynda «Qazaq dalasy» atty mýzykalyq kontserti ótti, dep habarlaidy "Ult aqparat".
Kontsert qazaqtyń uly aqyny, kompozitor jáne filosof Abaidyń 175 jyldyǵyna arnaldy. Merekelik keshti Belgiia Koroldigindegi QR Elshiligi men Liýksembýrg Uly Gertsogtigindegi Qazaqstannyń qurmetti konsýldyǵy uiymdastyrdy.
Kontsertte Abai ánderin, sondai-aq Eýropalyq mýzykanyń keibir týyndylaryn qazaqstandyq ártister pianist Áigerim Mataeva men opera ánshisi Qudaibergen Ábildin oryndady.
Kontsert bastalar aldynda QR-nyń Belgiiadaǵy Elshisi Aigúl Quspan eýropalyq aýditoriiaǵa qazaqtyń uly aqyny jáne aǵartýshysy týraly aityp berdi. Ol óz sózinde Abaidyń otandyq mádeniet pen ulttyq qundylyqty damytýǵa qosqan eleýli úlesi men shyǵarmashylyq murasyn atap ótti. Sonymen qatar, A.Quspan uly aqynnyń qara sózderiniń birin frantsýz tilinde oqydy.
Sondai-aq, Liýksembýrg filarmoniiasynyń zalynda Qazaqstanǵa arnalǵan fotokórme uiymdastyryldy.
