سەيسەنبٸ كٷنٸ كەشكە ليۋكسەمبۋرگ فيلارمونيياسىنىڭ كامەرالىق مۋزىكا زالىندا «قازاق دالاسى» اتتى مۋزىكالىق كونتسەرتٸ ٶتتٸ, دەپ حابارلايدى "ۇلت اقپارات".
كونتسەرت قازاقتىڭ ۇلى اقىنى, كومپوزيتور جەنە فيلوسوف ابايدىڭ 175 جىلدىعىنا ارنالدى. مەرەكەلٸك كەشتٸ بەلگييا كورولدٸگٸندەگٸ قر ەلشٸلٸگٸ مەن ليۋكسەمبۋرگ ۇلى گەرتسوگتٸگٸندەگٸ قازاقستاننىڭ قۇرمەتتٸ كونسۋلدىعى ۇيىمداستىردى.
كونتسەرتتە اباي ەندەرٸن, سونداي-اق ەۋروپالىق مۋزىكانىڭ كەيبٸر تۋىندىلارىن قازاقستاندىق ەرتٸستەر پيانيست ەيگەرٸم ماتاەۆا مەن وپەرا ەنشٸسٸ قۇدايبەرگەن ەبٸلدين ورىندادى.
كونتسەرت باستالار الدىندا قر-نىڭ بەلگيياداعى ەلشٸسٸ ايگٷل قۇسپان ەۋروپالىق اۋديتوريياعا قازاقتىڭ ۇلى اقىنى جەنە اعارتۋشىسى تۋرالى ايتىپ بەردٸ. ول ٶز سٶزٸندە ابايدىڭ وتاندىق مەدەنيەت پەن ۇلتتىق قۇندىلىقتى دامىتۋعا قوسقان ەلەۋلٸ ٷلەسٸ مەن شىعارماشىلىق مۇراسىن اتاپ ٶتتٸ. سونىمەن قاتار, ا.قۇسپان ۇلى اقىننىڭ قارا سٶزدەرٸنٸڭ بٸرٸن فرانتسۋز تٸلٸندە وقىدى.
سونداي-اق, ليۋكسەمبۋرگ فيلارمونيياسىنىڭ زالىندا قازاقستانعا ارنالعان فوتوكٶرمە ۇيىمداستىرىلدى.
