Belarýs prezidenti Aleksandr Lýkashenko elde mobilizatsiia sharalaryn júrgizbeitinin aitty, - dep habarlaidy Tengrinews.kz tilshisi "Belta" agenttigine silteme jasap.
Lýkashenkonyń cózinshe, opponentter "Belarýs te Reseige uqsas mobilizatsiia jasaýy múmkin" degen tezisti damytyp jatyr.
Bul rette Lýkashenko el yqtimal qaýipterge, lańkestik jasaý áreketterine mindetti túrde jaýap beretinin atap ótti. Onyń aitýynsha, "adamdar óz mindetterin bilip, qajetti áskeri daǵdylardy meńgerýi úshin" túrli oqý-jattyǵýlar júieli túrde, sonyń ishinde halyq jasaqtarymen ótkizilip turady.
Buǵan qosa, ol Belarýs soǵysqa aralaspaidy dep qosty.
"Biz úiimizdi, jerimizdi qorǵaý kerek bolǵanda ǵana soǵysamyz", - dedi ol.
Aleksandr Lýkashenko álemde aqparattyq soǵys bastalyp, jalǵasyp jatqanyn, aqparattyq-psihologiialyq operatsiialar júrgizilip jatqanyn atap ótti.
"Bul jaǵdaida kútýge bolmaidy, jaýap berý kerek", deidi el prezidenti.
