بەلارۋس پرەزيدەنتٸ الەكساندر لۋكاشەنكو ەلدە موبيليزاتسييا شارالارىن جٷرگٸزبەيتٸنٸن ايتتى, - دەپ حابارلايدى Tengrinews.kz تٸلشٸسٸ "بەلتا" اگەنتتٸگٸنە سٸلتەمە جاساپ.
لۋكاشەنكونىڭ cٶزٸنشە, وپپونەنتتەر "بەلارۋس تە رەسەيگە ۇقساس موبيليزاتسييا جاساۋى مٷمكٸن" دەگەن تەزيستٸ دامىتىپ جاتىر.
بۇل رەتتە لۋكاشەنكو ەل ىقتيمال قاۋٸپتەرگە, لاڭكەستٸك جاساۋ ەرەكەتتەرٸنە مٸندەتتٸ تٷردە جاۋاپ بەرەتٸنٸن اتاپ ٶتتٸ. ونىڭ ايتۋىنشا, "ادامدار ٶز مٸندەتتەرٸن بٸلٸپ, قاجەتتٸ ەسكەري داعدىلاردى مەڭگەرۋٸ ٷشٸن" تٷرلٸ وقۋ-جاتتىعۋلار جٷيەلٸ تٷردە, سونىڭ ٸشٸندە حالىق جاساقتارىمەن ٶتكٸزٸلٸپ تۇرادى.
بۇعان قوسا, ول بەلارۋس سوعىسقا ارالاسپايدى دەپ قوستى.
"بٸز ٷيٸمٸزدٸ, جەرٸمٸزدٸ قورعاۋ كەرەك بولعاندا عانا سوعىسامىز", - دەدٸ ول.
الەكساندر لۋكاشەنكو ەلەمدە اقپاراتتىق سوعىس باستالىپ, جالعاسىپ جاتقانىن, اقپاراتتىق-پسيحولوگييالىق وپەراتسييالار جٷرگٸزٸلٸپ جاتقانىن اتاپ ٶتتٸ.
"بۇل جاعدايدا كٷتۋگە بولمايدى, جاۋاپ بەرۋ كەرەك", دەيدٸ ەل پرەزيدەنتٸ.
