Belarýs Prezidenti Aleksandr Lýkashenko TMD memleket basshylary keńesiniń sammitinde óz qaljyńymen áriptesteriniń ezýine kúlki úiirdi, dep habarlaidy Sputnik Qazaqstan agenttigi.
Qazaqstan Prezidenti Qasym-Jomart Toqaev TMD memleket basshylarynyń keńesiniń keńeitilgen otyrysyn qorytyndylap jatqanda, Lýkashenko odan "TMD atqarýshy hatshysynyń laýazymy bas hatshy bolyp ózgergenin jariialamadyńyz ǵoi" dep surady.
"Aleksandr Grigorevich, tóraǵalardy synaý sizdiń súiikti isińizge ainalǵan ba?" dep kúldi Toqaev. Zalda otyrǵandar da kúlip jiberdi. Osydan keiin ol TMD prezidentteriniń ońasha kezdesýinde TMD atqarýshy hatshysy laýazymy TMD bas hatshysy dep ózgertý týraly sheshim qabyldanǵanyn málimdedi.
"Óitkeni biz keshe AÓSShK atqarýshy hatshysynyń laýazymyn bas hatshy dep ózgerttik. Munyń aldynda ShYU atqarýshy hatshysynyń laýazymy da bas hatshyǵa aýysty. Sergei Lebedev TMD bas hatshysy laýazymyna laiyqty adam dep oilaimyn. "Bas hatshy" laýazymynyń ózi aitarlyqtai dárejede bizdiń uiymnyń mártebesin kóteredi", - dep túsindirdi Qazaqstan lideri.
Sodan keiin Lýkashenkoǵa qarap: "Osyny qaladyńyz ba?", - dep jymidy.
"Sergei Lebedev ómir boiyna bas hatshy bolady", - dep qosty Toqaev.
