بەلارۋس پرەزيدەنتٸ الەكساندر لۋكاشەنكو تمد مەملەكەت باسشىلارى كەڭەسٸنٸڭ سامميتٸندە ٶز قالجىڭىمەن ەرٸپتەستەرٸنٸڭ ەزۋٸنە كٷلكٸ ٷيٸردٸ, دەپ حابارلايدى Sputnik قازاقستان اگەنتتٸگٸ.
قازاقستان پرەزيدەنتٸ قاسىم-جومارت توقاەۆ تمد مەملەكەت باسشىلارىنىڭ كەڭەسٸنٸڭ كەڭەيتٸلگەن وتىرىسىن قورىتىندىلاپ جاتقاندا, لۋكاشەنكو ودان "تمد اتقارۋشى حاتشىسىنىڭ لاۋازىمى باس حاتشى بولىپ ٶزگەرگەنٸن جارييالامادىڭىز عوي" دەپ سۇرادى.
"الەكساندر گريگورەۆيچ, تٶراعالاردى سىناۋ سٸزدٸڭ سٷيٸكتٸ ٸسٸڭٸزگە اينالعان با?" دەپ كٷلدٸ توقاەۆ. زالدا وتىرعاندار دا كٷلٸپ جٸبەردٸ. وسىدان كەيٸن ول تمد پرەزيدەنتتەرٸنٸڭ وڭاشا كەزدەسۋٸندە تمد اتقارۋشى حاتشىسى لاۋازىمى تمد باس حاتشىسى دەپ ٶزگەرتۋ تۋرالى شەشٸم قابىلدانعانىن مەلٸمدەدٸ.
"ٶيتكەنٸ بٸز كەشە اٶسشك اتقارۋشى حاتشىسىنىڭ لاۋازىمىن باس حاتشى دەپ ٶزگەرتتٸك. مۇنىڭ الدىندا شىۇ اتقارۋشى حاتشىسىنىڭ لاۋازىمى دا باس حاتشىعا اۋىستى. سەرگەي لەبەدەۆ تمد باس حاتشىسى لاۋازىمىنا لايىقتى ادام دەپ ويلايمىن. "باس حاتشى" لاۋازىمىنىڭ ٶزٸ ايتارلىقتاي دەرەجەدە بٸزدٸڭ ۇيىمنىڭ مەرتەبەسٸن كٶتەرەدٸ", - دەپ تٷسٸندٸردٸ قازاقستان ليدەرٸ.
سودان كەيٸن لۋكاشەنكوعا قاراپ: "وسىنى قالادىڭىز با?", - دەپ جىميدى.
"سەرگەي لەبەدەۆ ٶمٸر بويىنا باس حاتشى بولادى", - دەپ قوستى توقاەۆ.
