«Qazaqstannyń aviatsiialyq ákimshiligi» AQ-nyń ushý qaýipsizdigi boiynsha bastyǵy Linda Orledi Almaty mańynda apatqa ushyraǵan ushaqtyń kemshilikterin aitty, dep habarlaidy QazAqparat.
«Batys inspektorlary júrgizgen tekserý jumystary týraly aqparat alýdyń múmkindigi týyp, biyl 20 qańtarda buqaralyq aqparat quraldarynda «Bek Air» áýe kompaniiasynyń jumysyndaǵy kemshilikter anyqtalǵany týraly baspasóz habarlamasy jariialanǵan bolatyn.
Bul málimet jariialanǵan kezde fotosýret túrindegi aqparat bolmaǵan edi. Búgin sizderge apatqa ushyraǵan ushaqta qandai kemshilikter bolǵanyn sýret túrinde kórsetemiz», - deidi Linda Orledi «Bek Air» áýe kompaniiasynyń qyzmetin tekserý barysynda anyqtalǵan kemshilikterge qatysty suraqtar boiynsha ótken brifingte.
Ushaqtyń radar ornalasqan aldyńǵy bóligine kóp zaqym kelgen.
• Eki qozǵaltqyshtyń da sáikestendirý kestesi joq.
• Jalǵanatyn qubyr týraly (paidalanýǵa jaramdylyǵy týraly) belgi qoiylmaǵan, elektr symdary týraly málimetter jazylmaǵan jáne beti jabylmaǵan.
Jolaýshylardy tasymaldaityn ushaqtardy paidalaný kezinde qozǵalqyshtarynda sáikestendiretin keste joq.
Eki qozǵaltqyshtan da mai aqqan jáne fiýzeliajda maidyń izderi bar.
Qozǵaltqyshtardan mai ǵyp tur. Mai aǵý normasy boiynsha qujaty joq.
Pilottar kabinasyndaǵy sol jaqta ornalasqan qozǵalmaly áinek qatparlanyp ketken.
Júk bóligindegi paneldik qosylystarda órtten qorǵaityn taspalar joq jáne jaǵdaiy nashar kúide.
Dóńgelekteri jelinip ketken.
Fiýzeliajdyń orta tusynyń tómengi jaǵynan janarmai aqqan.
Fiýzeliajdyń orta tusynyń tómengi jaǵynan janarmai aqqan.
Ushaqtyń jolaýshylar otyratyn salonynyń tóbesinen mai aǵyp tur.
Borttaǵy júk salý bóliginiń eden taqtalarynda tesikter bar.
Eden jabyndysynyń shet jaqtary durys jabylmaǵan.
Sondai-aq, Linda Orledi ushaqtyń keskindemesi men borttaǵy qujattar sáikes kelmeitinin aitty.
«Mysaly, qujat boiynsha jolserik otyratyn jerde 1 kreslo dep kórsetilse, is júzinde 2 kreslo bar. Pilot ushaqtyń jaǵdaiy qalai ekenin qolymen ustap kórip, talapqa sai bolǵansha ushpaitynyn aitýyna da bolar edi. Tekserip kórý úshin arnaiy kóteriletin qurylǵy bolady, saýalnama júrgizgen kezimizde pilottar ondai qurylǵynyń bar ekenin bilmeitinin anyqtadyq. Óz basym mundai ushaqqa eshqashan otyrmas edim», - deidi ol.
Sonymen qatar, «Qazaqstannyń aviatsiialyq ákimshiligi» AQ bas direktory Piter Griffitst qazirgi ýaqytta kompaniiaǵa qatysty eki tekserý júrgizilýde ekenin aitty.
Aktsionerlik qoǵam júrgizip jatqan tekserý jumystary 26 qańtar kúni aiaqtalady. Ekinshi tekserý jumystaryn Qazaqstannyń kólik prokýratýrasy júzege asyrady.
Almaty áýejaiy mańyna qulaǵan «Bek Air» ushaǵyna qatysty málimetterdi myna jerden bilýge bolady.
