«قازاقستاننىڭ اۆياتسييالىق ەكٸمشٸلٸگٸ» اق-نىڭ ۇشۋ قاۋٸپسٸزدٸگٸ بويىنشا باستىعى ليندا ورلەدي الماتى ماڭىندا اپاتقا ۇشىراعان ۇشاقتىڭ كەمشٸلٸكتەرٸن ايتتى, دەپ حابارلايدى قازاقپارات.
«باتىس ينسپەكتورلارى جٷرگٸزگەن تەكسەرۋ جۇمىستارى تۋرالى اقپارات الۋدىڭ مٷمكٸندٸگٸ تۋىپ, بيىل 20 قاڭتاردا بۇقارالىق اقپارات قۇرالدارىندا «Bek Air» ەۋە كومپانيياسىنىڭ جۇمىسىنداعى كەمشٸلٸكتەر انىقتالعانى تۋرالى باسپاسٶز حابارلاماسى جارييالانعان بولاتىن.
بۇل مەلٸمەت جارييالانعان كەزدە فوتوسۋرەت تٷرٸندەگٸ اقپارات بولماعان ەدٸ. بٷگٸن سٸزدەرگە اپاتقا ۇشىراعان ۇشاقتا قانداي كەمشٸلٸكتەر بولعانىن سۋرەت تٷرٸندە كٶرسەتەمٸز», - دەيدٸ ليندا ورلەدي «Bek Air» ەۋە كومپانيياسىنىڭ قىزمەتٸن تەكسەرۋ بارىسىندا انىقتالعان كەمشٸلٸكتەرگە قاتىستى سۇراقتار بويىنشا ٶتكەن بريفينگتە.
ۇشاقتىڭ رادار ورنالاسقان الدىڭعى بٶلٸگٸنە كٶپ زاقىم كەلگەن.
• ەكٸ قوزعالتقىشتىڭ دا سەيكەستەندٸرۋ كەستەسٸ جوق.
• جالعاناتىن قۇبىر تۋرالى (پايدالانۋعا جارامدىلىعى تۋرالى) بەلگٸ قويىلماعان, ەلەكتر سىمدارى تۋرالى مەلٸمەتتەر جازىلماعان جەنە بەتٸ جابىلماعان.
جولاۋشىلاردى تاسىمالدايتىن ۇشاقتاردى پايدالانۋ كەزٸندە قوزعالقىشتارىندا سەيكەستەندٸرەتٸن كەستە جوق.
ەكٸ قوزعالتقىشتان دا ماي اققان جەنە فيۋزەلياجدا مايدىڭ ٸزدەرٸ بار.
قوزعالتقىشتاردان ماي عىپ تۇر. ماي اعۋ نورماسى بويىنشا قۇجاتى جوق.
پيلوتتار كابيناسىنداعى سول جاقتا ورنالاسقان قوزعالمالى ەينەك قاتپارلانىپ كەتكەن.
جٷك بٶلٸگٸندەگٸ پانەلدٸك قوسىلىستاردا ٶرتتەن قورعايتىن تاسپالار جوق جەنە جاعدايى ناشار كٷيدە.
دٶڭگەلەكتەرٸ جەلٸنٸپ كەتكەن.
فيۋزەلياجدىڭ ورتا تۇسىنىڭ تٶمەنگٸ جاعىنان جانارماي اققان.
فيۋزەلياجدىڭ ورتا تۇسىنىڭ تٶمەنگٸ جاعىنان جانارماي اققان.
ۇشاقتىڭ جولاۋشىلار وتىراتىن سالونىنىڭ تٶبەسٸنەن ماي اعىپ تۇر.
بورتتاعى جٷك سالۋ بٶلٸگٸنٸڭ ەدەن تاقتالارىندا تەسٸكتەر بار.
ەدەن جابىندىسىنىڭ شەت جاقتارى دۇرىس جابىلماعان.
سونداي-اق, ليندا ورلەدي ۇشاقتىڭ كەسكٸندەمەسٸ مەن بورتتاعى قۇجاتتار سەيكەس كەلمەيتٸنٸن ايتتى.
«مىسالى, قۇجات بويىنشا جولسەرٸك وتىراتىن جەردە 1 كرەسلو دەپ كٶرسەتٸلسە, ٸس جٷزٸندە 2 كرەسلو بار. پيلوت ۇشاقتىڭ جاعدايى قالاي ەكەنٸن قولىمەن ۇستاپ كٶرٸپ, تالاپقا ساي بولعانشا ۇشپايتىنىن ايتۋىنا دا بولار ەدٸ. تەكسەرٸپ كٶرۋ ٷشٸن ارنايى كٶتەرٸلەتٸن قۇرىلعى بولادى, ساۋالناما جٷرگٸزگەن كەزٸمٸزدە پيلوتتار ونداي قۇرىلعىنىڭ بار ەكەنٸن بٸلمەيتٸنٸن انىقتادىق. ٶز باسىم مۇنداي ۇشاققا ەشقاشان وتىرماس ەدٸم», - دەيدٸ ول.
سونىمەن قاتار, «قازاقستاننىڭ اۆياتسييالىق ەكٸمشٸلٸگٸ» اق باس ديرەكتورى پيتەر گريففيتست قازٸرگٸ ۋاقىتتا كومپانيياعا قاتىستى ەكٸ تەكسەرۋ جٷرگٸزٸلۋدە ەكەنٸن ايتتى.
اكتسيونەرلٸك قوعام جٷرگٸزٸپ جاتقان تەكسەرۋ جۇمىستارى 26 قاڭتار كٷنٸ اياقتالادى. ەكٸنشٸ تەكسەرۋ جۇمىستارىن قازاقستاننىڭ كٶلٸك پروكۋراتۋراسى جٷزەگە اسىرادى.
الماتى ەۋەجايى ماڭىنا قۇلاعان «Bek Air» ۇشاعىنا قاتىستى مەلٸمەتتەردٸ مىنا جەردەن بٸلۋگە بولادى.
