Qazaqstan men Latviia júk tasymaly máseleleri boiynsha kezdesý ótkizdi, dep habarlaidy "Ult aqparat" Indýstriia jáne infraqurylymdyq damý ministrliginiń baspasóz qyzmetine silteme jasap.
3 naýryzda Indýstriia jáne infraqurylymdyq damý vitse-ministri Berik Kamaliev pen Latviianyń Bailanys ministrligi Memlekettik hatshysynyń orynbasary Ýldis Reimanis arasynda beine-konferentsiia rejiminde kezdesý ótti.
Jiynǵa «Qazaqstan temir joly» UK AQ, elimizdiń iri ekspeditorlyq kompaniialary jáne Latviia tarapynan Liepaia, Riga, Ventspils siiaqty eń iri úsh portynyń bas direktorlary qatysty.
QR IIDM vitse-ministri Resei Federatsiiasy men Ýkraina tóńiregindegi ahýal jóninde, Antverpen, Gambýrg, Pirinei, Rotterdam jáne Mýgga porttarynyń qazaqstandyq júkterdi qabyldaýdan bas tartýyna bailanysty Reseidiń Sankt-Peterbýrg, Novorossiisk, Ýst-Lýga, Taman porttary arqyly júkterdi tasymaldaý barysynda qiyndyqtar týyndap jatqany týraly aitty.
Qazaqstan Resei aýmaǵyndaǵy júkterdi Latviianyń Riga, Venstpils jáne Liepaia porttaryna qarai baǵdarlaidy. Bul sheshimge Latviianyń teńiz porttary kelisimin berdi.
Latviia tarapy óz porttarynyń qýaty men ótkizý qabiletine qarai qazaqstandyq júkterdi qabyldaýǵa daiyn ekendigin málimdedi.
