قازاقستان مەن لاتۆييا جٷك تاسىمالى مەسەلەلەرٸ بويىنشا كەزدەسۋ ٶتكٸزدٸ, دەپ حابارلايدى "ۇلت اقپارات" يندۋسترييا جەنە ينفراقۇرىلىمدىق دامۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
3 ناۋرىزدا يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ پەن لاتۆييانىڭ بايلانىس مينيسترلٸگٸ مەملەكەتتٸك حاتشىسىنىڭ ورىنباسارى ۋلديس رەيمانيس اراسىندا بەينە-كونفەرەنتسييا رەجيمٸندە كەزدەسۋ ٶتتٸ.
جيىنعا «قازاقستان تەمٸر جولى» ۇك اق, ەلٸمٸزدٸڭ ٸرٸ ەكسپەديتورلىق كومپانييالارى جەنە لاتۆييا تاراپىنان ليەپايا, ريگا, ۆەنتسپيلس سيياقتى ەڭ ٸرٸ ٷش پورتىنىڭ باس ديرەكتورلارى قاتىستى.
قر ييدم ۆيتسە-مينيسترٸ رەسەي فەدەراتسيياسى مەن ۋكراينا تٶڭٸرەگٸندەگٸ احۋال جٶنٸندە, انتۆەرپەن, گامبۋرگ, پيرينەي, روتتەردام جەنە مۋگگا پورتتارىنىڭ قازاقستاندىق جٷكتەردٸ قابىلداۋدان باس تارتۋىنا بايلانىستى رەسەيدٸڭ سانكت-پەتەربۋرگ, نوۆوروسسييسك, ۋست-لۋگا, تامان پورتتارى ارقىلى جٷكتەردٸ تاسىمالداۋ بارىسىندا قيىندىقتار تۋىنداپ جاتقانى تۋرالى ايتتى.
قازاقستان رەسەي اۋماعىنداعى جٷكتەردٸ لاتۆييانىڭ ريگا, ۆەنستپيلس جەنە ليەپايا پورتتارىنا قاراي باعدارلايدى. بۇل شەشٸمگە لاتۆييانىڭ تەڭٸز پورتتارى كەلٸسٸمٸن بەردٸ.
لاتۆييا تاراپى ٶز پورتتارىنىڭ قۋاتى مەن ٶتكٸزۋ قابٸلەتٸنە قاراي قازاقستاندىق جٷكتەردٸ قابىلداۋعا دايىن ەكەندٸگٸن مەلٸمدەدٸ.
