Almaty turǵyny áleýmettik jelide jariialaǵan daýly videosynan keiin 15 táýlikke ákimshilik qamaýǵa alyndy, dep habarlaidy ult.kz.
Qalalyq Politsiia departamentiniń málimetinshe, internette taraǵan beinejazbada er adam balaǵat sózder aityp, qoǵamdyq tártipti óreskel buzǵan ári ainalasyndaǵylarǵa qurmetsizdik tanytqan.
Tártip saqshylary video avtorynyń jeke basyn anyqtady. Ol – 36 jastaǵy Almaty qalasynyń turǵyny. Oǵan qatysty usaq buzaqylyq faktisi boiynsha ákimshilik hattama toltyryldy.
Sot onyń kinásin dáleldengen dep tanyp, 15 táýlik merzimge ákimshilik qamaýǵa alý týraly sheshim shyǵardy.
Politsiia áleýmettik jelide tanymal bolýǵa umtylý zań talaptaryn buzýǵa sebep bola almaitynyn eskertti. Vedomstvo ókilderiniń aitýynsha, qoǵamdyq tártipti buzatyn kez kelgen áreket, onyń qandai maqsatpen jasalǵanyna qaramastan, zań aiasynda baǵalanyp, tiisti jaýapkershilikke ákeledi.
