Foto: ashyq derekkóz
QR Ishki ister ministriniń orynbasary Igor Lepeha Qyzylordada 16 jasar oqýshyny jezókshelikke májbúrleý týraly qylmystyq iske qatysty jańa derekterdi jariialady, dep habarlaidy Kazinform.
«Osy boiynsha 13 adam anyqtaldy, onyń ishinde 11-i qamaýǵa alyndy, ekeýi úi qamaqta otyr. Qazirgi kezde birqatar bap boiynsha qylmystyq ister qozǵaldy. 13 adamnyń arasynda qyzdy májbúrlegender de, uiymdastyrǵandar da bar. Bul is boiynsha basqa derekterdi jariialai almaimyn, sebebi onyń mán-jaiy tergeýshilerdiń quzyretinde», - dedi I. Lepeha Senattyń jalpy otyrysynan keiin tilshiler suraǵyna jaýap bere otyryp.
Onyń aitýynsha, oqýshy qyzǵa qatysty zańsyz áreket jasaǵandardyń barlyǵy tekserilip jatyr.
Eske salsaq, biyl tamyz aiynda Qyzylorda qalasynda mektep oqýshylary «synyptasyn seks-quldyqta ustady» degen kúdikke ilindi.
Bir top jasóspirim 16 jasar qyzdy qinap ustaǵany, esirtki berip, jezókshelikpen ainalysýǵa májbúrlegeni týraly aqparat tarady.
Oqýshy qyzdyń ata-anasy jaǵdaidy qoǵamdyq qorǵa habarlaǵan.
Qyzylorda politsiiasy atalǵan derek boiynsha kúdiktilerdi ustap, ýaqytsha ustaý izoliatoryna qamady. Keiin kúdikke ilingen mektep oqýshylary úiqamaqqa aýystyryldy.
Oqiǵaǵa bailanysty №7 mektep-litsei direktory, tárbie isi jónindegi orynbasary, psihology, áleýmettik pedagogi, synyp jetekshileri jumystan bosatyldy.
